LUKAS 6:20 - BALA LUK DO'

²⁰ Yésus nenier anak-anak sekola'Neh idi nepebala, “Samal kuan muyuh luk masi'; ngaceku muyuh luk kuan Imet Allah.

LUKAS 6:20 Iomraidhean Croise

NANI UBUR 37:16

Binaweh lemulun luk do' luk sesuut meluun raga ratnan binaweh amung lemulun luk dat;

BALE' 16:19

Lemulun luk masi' idi mebeneh niat meluun samal ratnan lemulun luk medita' niat luk ngalap babpat binaweh luk pino.

BALE' 19:1

Lemulun luk masi' luk nganau' luk mesiri meluun samal ratnan lemulun luk mebacé luk mebalih.

YESAYA 29:19

Lemulun luk na ngadan, idi lemulun luk masi' miak ngalap awang luk barén Allah lun Israil luk Meligan.

YESAYA 66:2

Ui sebuleng nemudut amung-amung pudut! Ui mawang niat ku lemulun luk mebeneh niat idi luk uren, luk matot Negku idi luk maya' balaKu.

SEPANIA 3:12

Pupu luk tacinKu su ineh mebeneh niat. Idi ideh miak amé' Negku idi mutuh pedengan.

SEKARIA 11:11

Idi jani' ineh igka' bang aco sineh. Ideh luk pebelih dumba nenginita negku, idi ideh nekali' Tuhan nepebala nedeh bang luk inau'ku ineh.

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

MATIUS 25:34

Idi Raca' ineh sikal pebala kuan lemulun luk pa tinuehNeh, ‘Amé' muyuh luk pangeh nengalap peruan ratnan TamanKu, lapen muyuh rat pun-pun tana' pinudut.

MATIUS 5:1

Yésus nenier nelun mula', idi Ieh numak luun pegkung. Kareb Ieh netudo, idi anak-anak sekola'Neh iné' Neneh.

LUKAS 12:32

“Aleg matot, O sengeriudan dumba luk isuut ini, ngaceku Taman muyuh pian maré Imet ineh nemuyuh.

LUKAS 13:28

Idi su ineh muyuh tangi'-tangi' idi pekatep lipen, kareb muyuh nier Ibrahim, Isak, idi Yakub, idi amung-amung nabi bang Imet Allah, iamo' muyuh sebuleng duken remuat.

LUKAS 14:15

Kareb seburur rat arangdeh luk kuman ineh neninger luk kudeng ini, idi ieh nepebala kuan Yésus, “Samal kuan lemulun luk kuman ruti bang Imet Allah.”

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

LUKAS 4:18

“Roh Tuhan idi pa luunKu, ngaceku Ieh pangeh nengumau Negku, pad Ui mada' Bala luk Do' kuan lun masi'. Ieh nengecuk Negku mada' puit kuan lun luk tiban, idi ngedo' mateh lun luk nebuser, idi muit lemulun luk neritep,

KEKAMEN RASUL-RASUL 14:22

Didueh nengepicet anu lun manu ineh, idi nengecuk nedeh lutep bang anu, kebala didueh, “Idi na miak na tau medereh semuet bang Imet Allah.”

2 KORINTUS 6:10

Sagan pana' kai uen ngesusa', iamo' kai megéi' mawang niat; ayuneh kai masi', iamo' kai nganau' mula' lemulun mangun ku lun do'. Ayuneh kai na binaweh, iamo' setuneh kai inan luk amung-amung.

2 KORINTUS 8:2

Ideh pangeh tinutun ku susa' luk pelaba rayeh; iamo' ngaceku awang niatdeh luk mela, sagan pana' ideh masi', ideh mekatu.

2 KORINTUS 8:9

Ngaceku muyuh kali' katu Tuhan tau Yésus Keristus; sagan pana' Ieh lun do' Ieh mangun masi' ngaceku muyuh, pad dengan dalan asi'Neh ineh muyuh miak mangun ku lun do'.

1 TESALONIKA 1:6

Muyuh nenginud lawé kai idi lawé Tuhan teh; idi sagan pana' muyuh medereh, muyuh nengalap bala ineh dengan awang luk macing ratnan Roh Meligan.

2 TESALONIKA 1:5

Ineh luk mangun ku tanu' ratnan ukum Allah luk matu, ratnan muyuh mayu ruen ngiap kuan Imet Allah, idi ngaceku ineh muyuh kali' medereh teh.

YAKUB 1:12

Samal kuan lemulun luk mulai niat mabeh amung-amung tutun, ngaceku pangeh ieh tuman ratnan tutun, ieh miak ngalap pata ulun, luk pijani' Tuhan kuan amung-amung lemulun luk mawa Neneh.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

BALA LUK LINIO 2:9

Ui pangeh kali' susa'mu idi asi'mu—iamo' setuneh iko mula binaweh. Ui kali' kuyo ratnan lemulun luk mala nedeh lun Yahudi, iamo' baken, iamo' ideh aceh ruma' sembayang Sétan.

SEMUIL LUK PUN-PUN 2:8

Lun masi' kedinganNeh rat bang abuh. Idi lun luk mesusa' kedinganNeh ratnan derehdeh. Ieh nganau' nedeh ku rurum raca'; idi Ieh nganau' nedeh buren. Ngaceku amung diri tana' ini Tuhan kuan, idi Tuhan teh luk nemudut tana' ini.