LUKAS 6:2 - BALA LUK DO'

² Iamo' kebala tuda'-tuda' burur lun Parisi, “Ngudehké muyuh nganau' luk bibpeng kareb Aco luk inan Mudeng?”

LUKAS 6:2 Iomraidhean Croise

PURA' 22:10

“Kudeng aceh lemulun maré nelun denganneh sebuleng keladai, kian sapi', dumba, aya' luk baken-baken lek, luk ruenneh ngasa', idi aya' ineh maté idi nurat idi pino dengan na lun nekali',

PURA' 31:15

Do' muyuh ngakem anem aco kinioneh. Iamo' aco luk ketudu', ieh ineh Aco luk inan Mudeng luk linigan kuanKu. Idé luk ngakem kareb aco sineh na miak na uen ngaté.

PURA' 35:2

Anem aco muyuh miak ngakem. Iamo' aco luk ketudu' ineh meligan, ieh ineh aceh Aco luk inan Mudeng kuan Tuhan. Idé luk ngakem kareb aco sineh, ieh miak pitayen.

YESAYA 58:13

Kebala Tuhan, “Kudeng muyuh ngeligan Aco luk inan Mudeng idi na maya' pian muyuh sebuleng bang aco sineh; kudeng muyuh mawang niat ku acoKu luk meligan idi ngerayeh neneh dengan na nalan, ngakem, idi pebala mo'-mo',

MATIUS 12:2

Kareb lun Parisi nenier luk kudeng ineh, idi kebaladeh kuan Yésus, “Siruh, anak-anak sekola'Mu nganau' luk bibpeng kareb Aco luk inan Mudeng.”

MATIUS 15:2

“Ngudehké anak-anak sekola'Mu ngelaba bada' tepun tau? Na ideh maru' ticu'deh maya' adat tau kareb nateh ideh kuman.”

MARKUS 2:24

Idi lun Parisi nepebala kuan Yésus, “Siruh anak-anak sekola'Mu nganau' luk bibpeng kareb Aco luk inan Mudeng?”

LUKAS 5:33

Kebala sebuang lemulun inan Yésus, “Anak-anak sekola' Yahya megéi mawa' idi sembayang, kudeng ineh teh lun Parisi; iamo' anak-anak sekola'Mu kuman idi ngirup mo'.”

YAHYA 5:16

Ngaceku ineh lun Yahudi nengimun ngedereh Yésus, ngaceku Ieh nenganau' luk kudeng ineh kareb Aco luk inan Mudeng.