LUKAS 6:19 - BALA LUK DO'

¹⁹ Amung lemulun pian ngakem Neneh, ngaceku inan lalud luk neremuat rat Neneh, pad amungdeh nedo' inau'Neh.

LUKAS 6:19 Iomraidhean Croise

RACA'-RACA' LUK KEDUEH 13:21

Idi kareb ideh nenanem seburur lemulun, denak-denak ideh nenier aceh baweh, idi ideh nemepet lun naté ineh déi' bang tanem Elisa. Idi kareb lun naté nesemuet bang ineh idi ieh nepisit luun butung Elisa ineh, idi lemulun ineh mulun idi ieh netuped.

MATIUS 14:36

Idi ideh nemutuh Neneh maré nedeh ngakem iring kuyu'Neh mo' idi idé-idé luk nengakem Neneh, ieh miak do' peh.

MARKUS 3:10

Mula' lemulun pangeh dino'Neh, pad tuda'-tuda' lemulun luk inan luk mét pana' nacing ngerieng Neneh idi sikal ngakem Neneh.

MARKUS 5:30

Petacu Yésus nekali' inan lalud neremuat rat Neneh, idi Ieh nelumi nelun mula' ineh idi nepebala, “Idéké luk nengakem kuyu'Ku?”

MARKUS 6:56

Idi su apeh pana' ulek Yésus, do' déi' ruma', déi' bawang rayeh, idi déi' lati' pana', lun mula' nenguit amung-amung lun luk mét, idi nengerareng nedeh luun natad su luk inan masui irin, idi nemutuh Neneh nima' nedeh ngakem iring kuyu'Neh mo'. Idi idé'idé luk nengakem kuyu'Neh ineh petacu do'.

MARKUS 8:22

Idi ideh nacing déi' bawang Baitsaida. Idi ideh nenguit seburur lemulun luk mebuser, idi nemutuh Neneh ngakem lemulun ineh.

LUKAS 5:17

Bang seaco kareb Yésus nemada', inan tuda'-tuda' lun Parisi idi guru Ukum tudo déi', luk nacing rat anid-anid bawang bang babpat Galilia idi Yudia idi rat Yerusalim pana'. Idi lalud Tuhan idi luun Yésus, pad Ieh nengedo' nelun mét.

LUKAS 6:18

Idi lemulun luk sinuet ada' pana' dino'Neh.

KEKAMEN RASUL-RASUL 19:12

pad belaca idi kibung ayung luk pikai Paulus inuitdeh kuan lun mét ineh, pad luk mét ineh buro rat nedeh, idi ada'-ada' pana' remuat rat nedeh.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.