LUKAS 6:13 - BALA LUK DO'

¹³ Kareb aco pangeh macang Ieh nenawar anak-anak sekola'Neh, idi Ieh nemili' rat arangdeh pulu' dueh burur, luk titenNeh rasul-rasul,

LUKAS 6:13 Iomraidhean Croise

MATIUS 10:2

Ini ngadan pulu' dueh rasul: pun-pun Simun luk titen Pétrus, idi kinanakneh Andrias; Yakub Sabdi, idi Yahya kinanakneh;

MATIUS 19:28

Kebala Yésus nedeh, “Ui pebala nemuyuh: idi bang Imet luk mebaruh, kareb Anak-Lemulun tudo luun kerusi rayehNeh, muyuh pana' luk pangeh nemaya' Negku miak tudo luun pulu' dueh kerusi, idi ngukum pulu' dueh babpat pupu lun Israil.

MATIUS 9:36

Iamo' kareb Ieh nenier nelun mula', Ieh méi' nedeh, ngaceku ideh mesusa' idi urap-urap kudeng dumba-dumba luk na lun matar.

MARKUS 6:30

Lun rasul pana' nelemubed iné' matun Yésus. Idi ideh nemada' Neneh ratnan amung-amung luk inau'deh idi luk bida'deh pana'.

MARKUS 6:7

Yésus nenawar pulu' dueh anak sekola'Neh idi nengecuk nedeh tedueh-tedueh. Idi Ieh nemaré lalud kuandeh pa luun amung-amung ada'.

LUKAS 11:49

Ngaceku ineh teh Ileh Allah nepebala, ‘Ui ngecuk nabi-nabi idi lun duken kuandeh, idi sebuangdeh miak pitayen, idi sebuangdeh miak uendeh ngedereh.’

LUKAS 22:30

Muyuh miak kuman idi ngirup luun sebuleng téng denganKu bang ImetKu, idi muyuh miak tudo luun kerusi idi ngukum pulu' dueh babpat pupu Israil.

LUKAS 6:14

ieh ineh Simun luk titenNeh Pétrus idi kinanakneh Andrias; Yakub, Yahya, Pilipus, Bartolomius,

YAHYA 4:33

Idi anak-anak sekola' nepebala seburur dengan seburur, “Inanké lemulun nenguit luk kenen kuanNeh?”

KEKAMEN RASUL-RASUL 1:13

Ideh nesemuet bang bawang Yerusalim idi numak semuet bang takep luk pa luun, ieh ineh su luk inan Pétrus, Yahya, Yakub idi Andrias, Pilipus idi Tomas, Bartolomius idi Matius, Yakub Alpius, Simun lun Selot, idi Yudas Yakub.

EPESUS 2:20

Muyuh pana' pinudut pa luun tapin luk rireng rasul-rasul idi nabi-nabi, idi batu lidung, ieh ineh Keristus Yésus sebuleng.

EPESUS 4:11

Ieh luk maré baré-baré kuan lemulun. Ieh nengiding sebuang lemulun mangun ku rasul-rasul, sebuang mangun ku nabi-nabi, sebuang mangun ku lun mada' Bala luk Do', idi sebuang mangun ku gembala idi guru.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

2 PETRUS 3:2

pad muyuh ngerawé ratnan bala luk bida' nabi-nabi luk meligan atun, idi ukum Tuhan, Lun Nengulun, luk biré rasul-rasul luk icuk kuan muyuh.

BALA LUK LINIO 12:1

Idi aceh tanu' luk rayeh megala' bang langit, ieh ineh seburur decur luk nengayung ku mateh aco, idi bulan inan pa liang kukudneh, idi nan uluhneh ineh inan pata luk ratnan pulu' dueh gituen.

BALA LUK LINIO 18:20

O surga, do' iko mawang niat ngaceku usagneh ineh! O lun manu, rasul-rasul idi nabi-nabi, do' muyuh mawang niat, ngaceku Allah pangeh nengukum neneh ngaceku luk inau'neh nemuyuh.

BALA LUK LINIO 21:14

Ar bawang ineh pinudut luun pulu' dueh batu, idi pangeh inarit luun batu ineh ngadan pulu' dueh rasul Anak Dumba ineh.