LUKAS 6:12 - BALA LUK DO'

¹² Kareb ineh teh Yésus neremuat iné' luun pegkung sikal sembayang; idi kedangan-kedangan ineh Ieh sembayang inan Allah.

LUKAS 6:12 Iomraidhean Croise

NANI UBUR 22:2

Tebaco-tebaco ui nawar Namu O Tuhanku, iamo' na Iko ngor, idi kedangan-kedangan teh, iamo' na ui dinengan.

YESAYA 26:9

Kareb medacem pana' ui geregan perurum Namu, pad ui nakap Namu dengan amung niatku. Kareb Iko ngukum tana' ini idi uang tana' ini, ideh miak kali' ratnan luk matu.

DANIEL 6:10

Kareb Daniel nekali' idi ukum ineh pangeh pinutut, idi ieh nuli'. Idi déi' bang parung ruma'neh inan teluh tabuk luk petutup bawang Yerusalim. Idi déi' bang parung ruma'neh inan teluh tabuk luk petutup bawang Yerusalim. Idi ieh netekeradung munung tabuk luk mukab ineh idi nesembayang pa kiung Allah teluh kua' seaco mepad kudeng luk pekalai.

MATIUS 5:1

Yésus nenier nelun mula', idi Ieh numak luun pegkung. Kareb Ieh netudo, idi anak-anak sekola'Neh iné' Neneh.

MATIUS 6:6

Iamo' kareb iko sembayang, do' semuet bang takepmu, idi ngitek tanga' takep ineh, idi sembayang nan Tamanmu luk na melagan. Idi Tamanmu luk nier amung-amung luk na melagan ineh, sikal ngua' kuanmu.

MARKUS 1:35

Pekak uka-uka, kareb nateh aco masat, idi Yésus netumui, idi Ieh neremuat iné' su luk ali-ali, idi Ieh nesembayang déi'.

MARKUS 3:13

Yésus numak luun aceh surud, idi Ieh nenawar idé luk pianNeh, idi ideh iné' matun Neneh.

MARKUS 6:46

Pangeh Ieh nemutuh do' nedeh, idi Ieh iné' luun pegkung sikal sembayang.

LUKAS 5:16

Iamo' Yésus iné' su luk ali-ali idi nesembayang.

LUKAS 6:11

Idi amungdeh ineh pelaba gateh. Idi ideh nepegayam arangdeh sebuleng, ratnan anun luk miak ruendeh kuan Yésus.

LUKAS 6:17

Yésus netemurun maya' nedeh, idi Ieh netuped su luk meraked, dengan tuda'-tuda' ula' anak sekola'Neh. Idi lun mula' nacing rat Yudia, Yerusalim, idi rat tangeb abpa' rayeh luk muneng ku Sur idi Sidon. Ideh nacing sikal ninger bala Yésus pad ideh uen ngedo' ratnan étdeh.

LUKAS 9:18

Kareb Yésus nesetau', idi nesembayang, idi anak-anak sekola'Neh iné' Neneh. Idi Ieh nengitun nedeh, keburi'Neh, “Idéké Ui ini, maya' terawé lun mula'?”

LUKAS 9:28

Idi lélé ualuh aco muci ratnan bala ineh, idi Yésus nenguit Pétrus, Yahya, idi Yakub amé' luun aceh pegkung sikal sembayang.

LUKAS 9:29

Idi uned Ieh sembayang, idi ayu kiungNeh nisu', idi ayungNeh pana' mangun mebuda' idi merasat.

YAHYA 6:3

Yésus numak nan aceh surud idi Ieh netudo déi' dengan anak-anak sekola'Neh.

KOLOSE 4:2

Do' muyuh lutep sembayang, idi matar bang amung ineh dengan maré ubur.

IBERANI 5:7

Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah.

SEMUIL LUK PUN-PUN 15:11

“Ui nginuud ngaceku i Saul pangeh kinikitKu ku raca'. Ngaceku ieh nelemubed rat Negku, idi na maya' balaKu.” Idi Semuil pelaba susa' niat. Idi ieh nengitang nawar Tuhan kedangan-kedangan ineh.