LUKAS 5:8 - BALA LUK DO'

⁸ Kareb Simun Pétrus nenier ineh, idi ieh netekeradung pa kiung Yésus, keburi'neh, “O Tuhan, buro rat negku, ngaceku ui lemulun luk panu' ku sala'.”

LUKAS 5:8 Iomraidhean Croise

SEMUIL LUK KEDUEH 6:9

Idi Daud matot inan Tuhan, kebalaneh, “Kudeng apeh Pati' Pejani' Tuhan ineh amé' taca' negku?”

RACA'-RACA' LUK PUN-PUN 17:18

Idi kebalaneh ni Elia, “Ngudeh iko ngesusa' negku, O nabi Allah? Pangeh iko numak ruma'ku pian ngerawé sala'ku idi ngaté anakku!”

PURA' 20:19

Idi kebaladeh ni Musa, “Do' iko sebuleng pebala nekai idi kai miak ninger. Iamo' aleg Allah pebala nekai, pad kai na maté.”

YESAYA 6:5

Kebalaku, “Ui na inan rapet! Ui miak kumin! Amung bala luk lemaba bibir tangku mesala', idi ui tudo arang aceh pupu luk megéi pebala luk mesala'. Idi nekini dengan matehku sebuleng ui pangeh nenier Raca', ieh ineh Tuhan luk Melalud!”

MATIUS 17:6

Kareb anak-anak sekola' Yésus neninger tang ineh idi ideh neluka' luun tana', idi ideh pelaba tot.

MATIUS 2:11

Idi ideh iné' bang ruma' idi ideh nenier anak ineh dengan tinanNeh Mariam, idi ideh netekeradung sembayang Neneh. Pangeh ineh ideh nengukab pati'deh, idi nemaré baré Neneh, ieh ineh amas, idi luk sabpen luk do' buen, idi mur.

MATIUS 8:8

Idi kebala lun rayeh lun pebunu' ineh, “O Tuhan, ui na mayu uenMu ngikak bang ruma'ku; iamo' do' Iko mala sebila' bala mo', idi demulunku miak do' peh.

LUKAS 5:7

Idi ideh nengayep lun dengandeh luk bang alud baken ineh amé' ngeruyung nedeh. Idi ideh nacing idi nemanu' dueh alud ineh, pad macing lélé turem.

LUKAS 5:9

Simun idi lun denganneh pelaba awa, ngaceku mula' lawid luk ilapdeh.

YAHYA 11:32

Kareb Mariam nacing su luk inan Yésus ineh idi ieh nenier Neneh, idi ieh netekeradung iring kukudNeh, idi kebalaNeh, “O Tuhan, kudeng Iko idi tungé', na kinanakku ineh naté.”

1 KORINTUS 13:12

Ngaceku nekini tau nier bang sayun dengan meseraber, iamo' kareb ineh kiung mepapu' dengan kiung. Idi nekini ilehku nateh meriput, iamo' kareb ineh ilehku mangun meriput mepad kudeng ileh Allah ratnan bururku pangeh meriput.

BALA LUK LINIO 1:17

Kareb ui nenier Neneh, ui neluka' iring kukudNeh mepad kudeng lemulun luk naté. Idi Ieh nengerareng ticu'Neh pa tinueh luunku idi nepebala, “Aleg matot, Ui ini Luk Pun-pun idi Luk Kekiped.

LUN LUK NGUYUT 13:22

Idi kebala Manua inan awanneh, “Kali' rungen kiteh matée ngaceku kiteh pangeh nenier Allah!”

SEMUIL LUK PUN-PUN 6:20

Idi kebala lun Bait Semes, “Idé miak tuped pa kiung Tuhan Allah luk Meligan ini? Idi idéké miak inan tau maré Pati' Pejani' ini, pad tau mepuit rat Neneh?”