LUKAS 5:6 - BALA LUK DO'

⁶ Kareb pangeh rabat ineh pipetdeh, idi ideh nengalap lawid pelaba ula', pad rabat ineh lélé nedarak peh.

LUKAS 5:6 Iomraidhean Croise

LUN LUK MADA' 11:6

Do' nibu luk tibuenmu pa pekak idi pa malem teh, ngaceku iko na kali' sapeh luk do' ulun idi sapeh luk dat ulun.

LUKAS 5:7

Idi ideh nengayep lun dengandeh luk bang alud baken ineh amé' ngeruyung nedeh. Idi ideh nacing idi nemanu' dueh alud ineh, pad macing lélé turem.

KEKAMEN RASUL-RASUL 2:41

Mula' lemulun manu ku balaneh pad ideh rireb peh. Kareb aco ineh teh inan lélé teluh ngeribu burur luk nemaya' nedeh.

KEKAMEN RASUL-RASUL 4:4

Iamo' mula' lemulun luk neninger bala ineh manu; idi amung deléi ineh lélé macing limeh ngeribu burur.

1 KORINTUS 15:58

Ngaceku ineh, O kinanak-kinanakku luk inanku mawa, do' muyuh lutep dengan na sigio, idi megéi' bang kekamen Tuhan, ngaceku muyuh kali' idi kél muyuh na mo'-mo' bang Tuhan.

GALATIA 6:9

Aleg tau musam nganau' luk do', ngaceku inan karebneh tau ngeranih, kudeng tau tuman.