LUKAS 5:30 - BALA LUK DO'

³⁰ Idi lun Parisi idi guru-guru Ukum dureng-dureng kuan anak-anak sekola' Yésus, keburi'deh, “Ngudehké muyuh kuman idi ngirup dengan lun luk ngamung usin pupuk idi lun mesala' teh?”

LUKAS 5:30 Iomraidhean Croise

YESAYA 65:5

Ideh ngecuk lun baken na muneng nedeh, ngaceku ideh meligan idi na miak kamen. Ui megateh inan lemulun luk kudeng ineh — usehKu nedeh mepad kudeng apui luk na maté.

MATIUS 5:46

Petuluké Allah maré tabpar nemuyuh, kudeng muyuh mawa inan lemulun luk mawa nemuyuh? Lun luk ngalap usin pupuk pana' nganau' luk kudeng ineh teh?

MATIUS 9:11

Idi kareb lun Parisi nenier ineh, idi kebaladeh kuan anak-anak sekola'Neh, “Ngudehké Guru muyuh kuman dengan lun luk ngamung usin pupuk, idi lun mesala' teh?”

MARKUS 2:16

Kareb guru-guru Ukum idi lun Parisi nenier Yésus kuman dengan lun mesala' idi lun luk ngamung usin pupuk ineh teh, idi kebaladeh nan anak-anak sekola'Neh, “Ngudehké Yésus kuman dengan lemulun luk kudeng ineh?”

MARKUS 7:3

Ngaceku lun Parisi dengan amung-amung lun Yahudi na kuman kareb nateh ideh sibaru', ieh ineh maya' adat tepundeh.

MARKUS 9:16

Yésus nengitun anak-anak sekola'Neh, “Anunké luk inan muyuh pesaad?”

LUKAS 18:11

Lun Parisi ineh netuped idi nesembayang bang niatneh kudeng ini, ‘O Allah, ui maré ubur kuanMu, ngaceku ui baken kudeng lemulun luk baken, ieh ineh lemulun luk mano, lemulun luk na mesiri, lemulun luk pasét, idi lun luk ngamung usin pupuk ini pana'.

LUKAS 19:7

Amung lemulun luk nenier ratnan ineh dureng-dureng, idi nepebala, “Ieh iné' tudo dengan lun luk mesala'.”

LUKAS 5:17

Bang seaco kareb Yésus nemada', inan tuda'-tuda' lun Parisi idi guru Ukum tudo déi', luk nacing rat anid-anid bawang bang babpat Galilia idi Yudia idi rat Yerusalim pana'. Idi lalud Tuhan idi luun Yésus, pad Ieh nengedo' nelun mét.

LUKAS 5:21

Idi guru-guru Ukum idi lun Parisi nepebala arangdeh sebuleng, “Idéké lemulun luk nguyo ini? Idéké miak maré do' ratnan sala', iamo' Sebuleng mo', ieh ineh Allah?”

LUKAS 7:34

Anak-Lemulun nacing dengan kuman idi ngirup, idi kebala muyuh, ‘Siruh, selemulun luk manga idi luk ngirup abpa' anggur! Ieh perurum teh dengan lemulun luk ngamung usin pupuk idi lun mesala'.’

LUKAS 7:39

Kareb lun Parisi nenier ineh, idi ieh nepebala bang niatneh, “Kudeng lemulun ini seburur nabi, kali' rungen Ieh kali' idé' decur luk ngakem Neneh ineh, idi Ieh kali' neneh mesala'!”

KEKAMEN RASUL-RASUL 23:9

Idi nacing kedaluh luk rayeh, idi tuda'-tuda' guru Ukum ratnan babpat lun Parisi nudur, keburi'deh, “Lemulun ini na sala' anun-anun! Inan aceh roh kian melaikat nepebala neneh lek!”