LUKAS 5:26 - BALA LUK DO'

²⁶ Idi amungdeh ineh mawa idi nengubur Allah. Ideh nepanu' ku tot, kebaladeh, “Bang aco sini kai nekali' kekamen luk nan mawa!”

LUKAS 5:26 Iomraidhean Croise

YEREMIA 33:9

Yerusalim miak mangun ku aceh lawa awang, ubur, idi rayeh kuanKu. Idi amung pupu bang tana' ini miak matot idi megegker, kareb ideh ninger ratnan amung peruan luk ruenKu ngacing kuan lun Yerusalim idi bawangdeh ini.’ ”

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

MATIUS 12:23

Idi lun mula' ineh mawa, keburi'deh, “Naké ini Anak Daud?”

MATIUS 28:8

Idi ideh nenalan iket-iket ratnan tanem ineh dengan matot, idi niatdeh pelaba awang idi ideh nupun nated bala ineh kuan anak-anak sekola'Neh.

MATIUS 9:8

Kareb lun mula' nekali' ratnan luk kudeng ineh, idi ideh matot idi nengerayeh Allah luk nemaré lalud luk kudeng ineh kuan lemulun.

MARKUS 2:12

Idi ieh netumui, petacu nengiding luk inanneh rudap ineh idi neremuat siren lun mula', pad amung-amungdeh pana' mawa idi nengerayeh Allah, keburi'deh, “Nateh kai nekali' luk kudeng ini atun!”

LUKAS 1:65

Idi lun bang bawang ineh pelaba tot. Idi bala ratnan ineh nepiar aput pegkung tana' Yudia.

LUKAS 5:8

Kareb Simun Pétrus nenier ineh, idi ieh netekeradung pa kiung Yésus, keburi'neh, “O Tuhan, buro rat negku, ngaceku ui lemulun luk panu' ku sala'.”

LUKAS 7:16

Idi lun mula' ineh pelaba tot idi nengerayeh Allah, keburi'deh, “Aceh nabi luk rayeh pangeh nacing arang tau,” idi “Allah pangeh nengikak pupuNeh.”

LUKAS 8:37

Idi amung lemulun luk rat libut bawang Gerasa nemutuh Yésus buro rat nedeh, ngaceku ideh palaba tot. Idi Yésus netemaleb bang aceh alud, idi Ieh nenalan.

KEKAMEN RASUL-RASUL 4:21

Iamo' lun rayeh-rayeh ineh metueh mebpeng nedidueh idi ideh nemuit nedidueh, ngaceku na luk idi punneh ideh ngukum nedidueh, ngaceku lun mula' nengerayeh Allah ngaceku ratnan tanu' luk pangeh mangun.

GALATIA 1:24

Idi ideh nengubur Allah ngaceku ui.