LUKAS 5:24 - BALA LUK DO'

²⁴ Iamo' pelé muyuh kali' idi Anak-Lemulun ngimet lalud bang tana' ini maré do' ratnan sala',” (idi keburi'Neh kuan lemulun luk mét naté urat ineh) “Ui pebala kuanmu, tumui iko, ngiding luk inanmu rudap idi muli'.”

LUKAS 5:24 Iomraidhean Croise

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

MATIUS 16:13

Idi pangeh Yésus nacing bang tana' Kaisaria Pilipi, Ieh nengitun anak-anak sekola'Neh, keburi'Neh, “Maya' buri' dulun, idéké Anak-Lemulun?”

MATIUS 25:31

“Kareb Anak-Lemulun macing mangun ku raca' dengan amung melaikatNeh, idi Ieh miak tudo luun kerusiNeh,

MATIUS 26:64

Kebala Yésus neneh, “Mepad kudeng luk bilamu. Iamo' Ui pebala nemuyuh, rat pad sini muyuh miak nier Anak-Lemulun tudo pa tinueh Luk Melalud, idi amé' luun iaput rat surga.”

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

MATIUS 4:24

Idi bala ratnan Yésus nepiar aput bawang Siria, idi ideh nenguit amung-amung lun luk mét amé' Neneh, idi sebuang mét dengan riput-riput luk mét. Inan sebuang luk sinuet ada', inan teh luk mét meruai, idi inan teh sebuang luk meliai, idi Ieh nengedo' nedeh.

MATIUS 9:6

Iamo' nekini muyuh miak kali' Anak-Lemulun ngimet lalud maré do' ratnan sala' bang tana'.” Idi kebalaNeh kuan lemulun luk mét naté urat, “Tumui iko idi ngiding luk inanmu rudap, idi muli' amé' ruma'mu.”

LUKAS 5:13

Yésus nenatang ticu'Neh idi nengakem neneh, kebalaNeh, “PianKu, do' iko meligan peh!” Idi petacu susud ineh nepali'.

LUKAS 5:18

Idi inan teh seburur lemulun luk mét naté urat luk binirir, idi ideh nenakap dalan sikal nguit neneh semuet pad ngerareng neneh pa kiung Yésus.

LUKAS 5:23

Sapehké luk meluun malé belén, ‘Iko pangeh nengalap do' ratnan sala'mu,’ kian, ‘Tumui idi nalan’?

LUKAS 7:14

Idi Ieh iné ngakem lungun ineh, idi lemulun luk nemirir ineh nugka'. Idi kebala Yésus, “O anak adi', Ui pebala namu, do' iko tumui!”

LUKAS 8:54

Iamo' Yésus nengimet ticu' anak ineh idi nengitang, kebalaNeh, “O anak decur, tumui iko.”

YAHYA 11:43

Kareb Ieh pangeh nepebala kudeng ini, Ieh nengitang, kebalaNeh, “O Lasarus, remuat iko!”

YAHYA 17:2

Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

YAHYA 3:13

Seburur pana' nateh numak surga, baken ratnan Anak-Lemulun luk pangeh netemurun rat surga.”

YAHYA 5:27

Idi teh Ieh nemaré lalud kuanNeh miak ngacing ukum, ngaceku Ieh Anak-Lemulun.

KEKAMEN RASUL-RASUL 14:10

idi kebala Paulus dengan bala luk rayeh, “Tuped iko!” Idi ieh nesikau'-sikau' idi petacu nalan.

KEKAMEN RASUL-RASUL 5:31

Ieh kinikit Allah tudo pa tinuehNeh mangun ku Raca' idi Lun Nengulun, pad nguit nelun pupu Israil uren idi ngalap do' ratnan sala'.

KEKAMEN RASUL-RASUL 9:34

Idi keburi' Pétrus neneh, “O Anias, Yésus Keristus ngedo' namu. Tumui iko, idi ngelepi' luk inanmu rudap.” Idi petacu ieh netumui peh.

KEKAMEN RASUL-RASUL 9:40

Pétrus nengecuk amung-amung lemulun remuat, idi ieh netekeradung nesembayang. Idi ieh nelumi inan butung ineh, keburi'neh, “O Tabita, tumui iko!” Idi Tabita nekulat. Kareb ieh nenier Pétrus, idi ieh netumui.

BALA LUK LINIO 1:13

Luun uneddeh inan Seburur Lemulun luk kudeng Anak-Lemulun, luk kuyu' boyor macing ku kukudNeh, idi ruukNeh inabet ku abet amas.