LUKAS 5:21 - BALA LUK DO'

²¹ Idi guru-guru Ukum idi lun Parisi nepebala arangdeh sebuleng, “Idéké lemulun luk nguyo ini? Idéké miak maré do' ratnan sala', iamo' Sebuleng mo', ieh ineh Allah?”

LUKAS 5:21 Iomraidhean Croise

NANI UBUR 103:3

Ieh maré do' ku amung sala'ku; idi ngedo' amung luk métku;

NANI UBUR 130:4

Iamo' Iko maré do' nekai, pad kai matot Namu.

NANI UBUR 32:5

Idi ui nengamo sala'ku Namu; na ui nengalum kekamenku luk dat. Terawéku, “Ui sikal ngamo sala'ku kuan Tuhan,” idi Ieh nemaré do' ratnan amung-amung kekamenku luk dat.

NANI UBUR 35:5

Nima' nedeh kudeng lipang padé luk mepalid ku bui, kareb Melaikat Tuhan ngerada' nedeh!

YESAYA 1:18

Idi teh kebala Tuhan, “Nekini do' tau mutut gayam ini. Sagan pana' muyuh mesia' ku sala' muyuh, Ui sikal maru' nemuyuh, pad muyuh mebuda' kudeng salju. Sagan pana' sala' muyuh sia' merirem muyuh mangun mebuda' kudeng buluh dumba.

YESAYA 43:25

Iamo' Ui ini Allah luk ngiu' amung sala'mu, ngaceku ineh luk pianKu. Idi teh Ui na ngerawé sala'mu ineh.

YESAYA 44:22

Ui nemalid amung sala' muyuh, mepad kudeng laput. Lumi amé' Negku; Ui ini Lun Nengulun namu.”

DANIEL 9:19

O Tuhan, ninger sembayang kai. O Tuhan, maré do' ku sala' kai. O Tuhan ninger nekai idi nganau' luk pianMu! Pad amung-amung lemulun kali' Iko luk Allah. Aleg mio! Bawang ini idi pupu ini Iko kuan.”

DANIEL 9:9

Iko luk méi' idi maré do', iamo' kai sikal metueh rat Namu.

UKUM 24:16

idi miak pitayen. Do' lun sakai idi lun kuan bawang, bitungin ku batu kudeng ieh nguyo ngadan Tuhan.

MIKA 7:19

Iko miak méi' nekai sekua' teh. Iko miak ngeradu' sala' kai iang daparMu, idi nala' nedeh bang abpa' rayeh!

MATIUS 26:65

Idi Imam Rayeh nenarak ayungneh, keburi'neh, “Ieh pangeh nenguyo! Anunké ulekneh lun nekali' kuan tau teh? Nekini muyuh pangeh neninger kuyoNeh.

MATIUS 9:3

Idi sebuang rat arang guru-guru Ukum ineh nengerawé bang niatdeh, “Lemulun ini nguyo Allah.”

LUKAS 3:8

Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, ‘Ibrahim, ieh ineh tepun kai,’ ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

LUKAS 5:17

Bang seaco kareb Yésus nemada', inan tuda'-tuda' lun Parisi idi guru Ukum tudo déi', luk nacing rat anid-anid bawang bang babpat Galilia idi Yudia idi rat Yerusalim pana'. Idi lalud Tuhan idi luun Yésus, pad Ieh nengedo' nelun mét.

LUKAS 5:22

Iamo' ngaceku Yésus nekali' terawédéh, idi Ieh nengitun nedeh, “Ngudehké muyuh ngerawé luk kudeng ineh?

LUKAS 7:49

Idi lemulun luk tudo kuman denganNeh nengimun pebala bang niatdeh sebuleng, “Idéké lemulun ini luk miak maré do' ratnan sala' peh?”

YAHYA 10:33

Idi lun Yahudi nengor balaNeh, keburi'deh, “Baken ngaceku kekamen luk do' kai mitung Namu, iamo' ngaceku Iko nguyo Allah. Iko lemulun mo' iamo' Iko maad bururMu dengan Allah.”

SURAT LUK BIRE PAULUS KUAN LUN RUM 8:33

Idéké miak ngadu' lemulun luk pinili' Allah? Allah sebuleng ngamo nedeh na mesala'.