LUKAS 5:20 - BALA LUK DO'

²⁰ Kareb Yésus nekali' anudeh ineh, idi Ieh nepebala nan lemulun ineh, “Iko pangeh nengalap do' ratnan sala'mu.

LUKAS 5:20 Iomraidhean Croise

PUDUT 22:12

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

YESAYA 38:17

Susa' niatku miak misu' ku awang. Iko ngulun negku ratnan amung dereh; Iko maré do' ratnan amung sala'ku.

MATIUS 9:2

Idi ideh nenguit seburur lemulun luk mét naté urat amé' Neneh, luk telubid luun birirneh. Idi Yésus nekali' rayeh anudeh ineh, idi Ieh nepebala inan lemulun luk mét naté urat ineh, “O anakKu, do' iko lutep niat; iko lun mesala', iamo' Ui maré do' namu.”

MATIUS 9:5

Sapehké luk meluun malé, mala, ‘Iko lun mesala', iamo' Ui maré do' namu,’ kian pebala, ‘Tumui idi nalan'?

MARKUS 2:5

Yésus nenier anudeh ineh, idi kebalaNeh nan lemulun luk naté urat ineh, “O anakKu, iko pangeh nengalap do' ratnan sala'mu.”

LUKAS 7:48

Idi kebala Yésus kuan decur ineh, “Iko pangeh nengalap do' ratnan sala'mu.”

YAHYA 2:25

Na ulekneh seburur pana' mada' Neneh ratnan lemulun, ngaceku Ieh sebuleng kali' amung-amung luk bang niatdeh.

YAHYA 5:14

Muci ratnan ineh Yésus nepapu' neneh bang Ruma' Allah, idi nepebala neneh, “Nekini iko pangeh do'. Aleg nganau' sala' peh, pad iko na mekaneh luk meluun dat.”

KEKAMEN RASUL-RASUL 11:23

Kareb ieh nacing idi nenier katu Allah, idi ieh mawang niat peh, idi ieh nemada' amung-amungdeh pad niatdeh lutep maya' Tuhan.

KEKAMEN RASUL-RASUL 14:9

Ieh neninger bala Paulus, idi Paulus nekali' neneh manu merapet miak nalan,

2 KORINTUS 2:10

Idé-idé lemulun luk inan muyuh maré do', ui pana' maré do' neneh teh, ngaceku anun-anun luk inanku pangeh nemaré do' ineh, (kudeng inan anun-anun luk inanku petulu maré do') idi ui pangeh nemaré do' ngaceku muyuh pa kiung Keristus,

KOLOSE 3:13

Do' muyuh mulai niat seburur dengan seburur idi maré do' arang muyuh sebuleng, kareb idé-idé ngadu' seburur lemulun baken. Do' muyuh maré do' arang muyuh sebuleng, mepad kudeng Tuhan pangeh nemaré do' kuan muyuh.

YAKUB 2:18

Iamo' inan luk pebala, “Iko inan anu idi ui inan kekamen.” Do' mada' anumu ineh sirenku dengan na kekamenmu, idi ui pana' miak mada' kuanmu anuku ratnan kekamenku.