LUKAS 5:19 - BALA LUK DO'

¹⁹ Iamo' ideh na miak nguit neneh semuet ngaceku lemulun pelaba peri'. Idi ideh numak iné' luun apo ruma' ineh, idi ideh nengukab apo idi nengurur neneh arangdeh bang birirneh pa kiung Yésus.

LUKAS 5:19 Iomraidhean Croise

SEMUIL LUK KEDUEH 11:2

Idi aceh alem Daud netumui rat su inanneh rudap idi iné' luun apo ruma'neh, idi ieh nenier rat déi' inan aceh decur uned diu'. Idi decur ineh do' taga.

YEREMIA 19:13

Idi ruma'-ruma' Yerusalim, idi ruma' raca'-raca' Yahuda, idi amung ruma' su luk inandeh ngeseb umau luk do' buen kuan gituen luun apodeh idi su luk inandeh ngutang baré luk rupen kuan allah baken miak mangun melutak mepad kudeng Topet.”

MATIUS 10:27

Anun-anun luk Ui mala nemuyuh bang dacem, do' muyuh mala bang acang; idi luk pindenger muyuh ayek-ayek, do' muyuh mada' rat luun buduk ruma'.

MATIUS 24:17

Aleg lemulun luk luun buduk ruma' temurun ngalap anun-anun binaweh rat bang ruma'neh.

MARKUS 2:4

Iamo' ideh na miak amé' muneng nan Yésus ngaceku pelaba ula' lemulun. Idi ideh nengukab apo su luk inanNeh ineh. Kareb ideh pangeh nengukab apo ineh, idi ideh nengurur birir lemulun luk naté urat ineh pa kiung Yésus.

BADA' RATNAN UKUM 22:8

“Idi kareb muyuh mudut ruma' luk mebaruh, do' muyuh nganau' libung luunneh, pad muyuh na mabeh sala', kudeng ayuneh seburur mekesiad idi mebpeh rat i dita', pad ieh maté.

SEMUIL LUK PUN-PUN 9:25

Pangeh ineh idi didueh netemurun rat su luk inan sembayang ineh idi iné' bang bawang. Idi ideh nemalad ugam kuan i Saul déi' parung. Idi ieh nerudap ieneh.