LUKAS 5:17 - BALA LUK DO'

¹⁷ Bang seaco kareb Yésus nemada', inan tuda'-tuda' lun Parisi idi guru Ukum tudo déi', luk nacing rat anid-anid bawang bang babpat Galilia idi Yudia idi rat Yerusalim pana'. Idi lalud Tuhan idi luun Yésus, pad Ieh nengedo' nelun mét.

LUKAS 5:17 Iomraidhean Croise

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

MATIUS 15:1

Kareb ineh inan lun Parisi idi guru-guru Ukum rat Yerusalim, luk iné' matun Yésus, keburi'deh,

MARKUS 1:45

Iamo' lemulun ineh nenalan idi nengimun mada' bala ineh aput-aput bawang. Ieh nemada' ratnan amung ineh pad Yésus na miak semuet bang bawang ineh dengan megala'. Iamo' Ieh tudo déi' su luk ali-ali' idi mula' lemulun nacing Neneh ratnan anid-anid bawang.

MARKUS 16:18

kudeng ideh ngakem menipeh, idi ngirup anun-anun luk megalih, na ideh mesabeng ku ineh. Idi ideh miak ngerareng ticu'deh luun lemulun luk inan luk mét, pad ideh do'.”

MARKUS 3:22

Kudeng ineh teh amung guru-guru Ukum luk pangeh nacing rat Yerusalim nepebala, “Ieh sinuet Balsebul.” Idi kebala lun baken, “Ieh nala' ada' dengan lalud lun rayeh ada'.”

MARKUS 5:30

Petacu Yésus nekali' inan lalud neremuat rat Neneh, idi Ieh nelumi nelun mula' ineh idi nepebala, “Idéké luk nengakem kuyu'Ku?”

MARKUS 7:1

Lun Parisi dengan tuda'-tuda' guru Ukum luk pangeh nacing rat déi' Yerusalim iné' matun Neneh.

LUKAS 15:2

Idi lun Parisi idi guru-guru Ukum ngedureng, kebaladeh, “Lemulun ini nawar lun mesala' idi pamung kuman dengandeh.”

LUKAS 2:46

Kareb mabud teluh aco didueh nepapu' Neneh bang Ruma' Allah uned tudo arang lun guru-guru. Idi Ieh neninger baladeh idi nengitun-ngitun nedeh.

LUKAS 5:21

Idi guru-guru Ukum idi lun Parisi nepebala arangdeh sebuleng, “Idéké lemulun luk nguyo ini? Idéké miak maré do' ratnan sala', iamo' Sebuleng mo', ieh ineh Allah?”

LUKAS 5:30

Idi lun Parisi idi guru-guru Ukum dureng-dureng kuan anak-anak sekola' Yésus, keburi'deh, “Ngudehké muyuh kuman idi ngirup dengan lun luk ngamung usin pupuk idi lun mesala' teh?”

LUKAS 6:19

Amung lemulun pian ngakem Neneh, ngaceku inan lalud luk neremuat rat Neneh, pad amungdeh nedo' inau'Neh.

LUKAS 7:30

Iamo' lun Parisi, idi guru-guru Ukum nengarung pian Allah kuan bururdeh sebuleng, ngaceku ideh na rireb Yahya.

LUKAS 8:46

Iamo' Yésus nepebala, “Inan seburur lemulun pangeh nengakem Negku; ngaceku Ui nekali' sebuleng lalud neremuat rat Negku.”

YAHYA 3:10

Kebala Yésus, “Iko guru lun Israilké, idi na iko kali' ilung amung-amung ini?

YAHYA 3:21

iamo' lemulun luk nganau' luk matu macing inan acang, pad megala' kekamenneh ineh maya' pian Allah.

KEKAMEN RASUL-RASUL 19:11

Idi Allah nenganau' tuda'-tuda' tanu' luk na inan pekalai dengan ticu' Paulus,

KEKAMEN RASUL-RASUL 4:30

Natang ticu'Mu idi ngedo lemulun idi nganau' tuda'-tuda' tanu' idi kekamen luk nan mawa dengan ngadan Yésus DemulunMu luk meligan.”

KEKAMEN RASUL-RASUL 5:34

Iamo' seburur lun Parisi, ngadanneh Gamalil, ieh ineh selemulun luk mada' Ukum Musa luk rinayeh amung pupu ineh, netuped bang tebubpun besara' ineh idi nengecuk nguit lemulun ineh remuat.