LUKAS 5:13 - BALA LUK DO'

¹³ Yésus nenatang ticu'Neh idi nengakem neneh, kebalaNeh, “PianKu, do' iko meligan peh!” Idi petacu susud ineh nepali'.

LUKAS 5:13 Iomraidhean Croise

PUDUT 1:3

Idi Allah nepebala, “Do' inan acang.” Idi acang pana' mangun.

PUDUT 1:9

Idi Allah nepebala, “Do' amung-amung abpa' luk pa liang langit ineh mepamung bang sebuleng luk inan, pad inan su luk tekering.” Idi pangeh mangun mepad kudeng ineh.

RACA'-RACA' LUK KEDUEH 5:10

Idi Elisa nengecuk lun dukenneh amé' ngecuk ni Naaman unub tudu' kua' bang Abpa' Yarden, pad bururneh miak petuneb kudeng luk pun-pun, idi ieh miak meligan.

RACA'-RACA' LUK KEDUEH 5:14

Ngaceku ineh Naaman netemurun idi nunub bang Abpa' Yarden macing tudu' kua', maya' kudeng bala Elisa ineh. Idi bururneh nepetuneb kudeng luk pun-pun, mepad kudeng burur anak adi'.

NANI UBUR 33:9

Kareb Ieh nepebala, tana' ini mangun peh; kareb Ieh nengecuk, amung-amung pudut melagan peh.

YEHISKIEL 36:29

Ui ngulun nemuyuh ratnan amung-amung luk ngelutak nemuyuh. Ui ngecuk padé maré uli' luk mula', pad muyuh na melau teh.

HOSIA 14:4

Kebala Tuhan, Ui miak nguli' pupuKu. Ui miak mawa nedeh dengan amung niatKu, ngaceku na Ui museh nedeh nekini.

MATIUS 8:3

Idi Yésus nenatang ticu'Neh idi nengakem neneh, kebalaNeh, “PianKu; do' iko meligan peh!” Idi petacu susudneh ineh nepali'.

LUKAS 4:39

Idi Ieh netuped iringneh idi nemebpeng dadem ineh. Idi dadem ineh pana' nedo', idi petacu ieh netumui idi nengasa' nedeh.

LUKAS 5:12

Kareb Yésus bang aceh bawang, inan aceh lemulun luk mét susud dengan pelaba bura'. Kareb ieh nenier Yésus idi ieh netekeradung idi nemutuh Neneh, keburi'neh, “O Tuhan, kudeng Iko pian, miak Iko ngedo' negku.”

LUKAS 5:14

Idi Yésus neperiteteng neneh, “Aleg iko mala kuan seburur lemulun pana', iamo do' iko amé' mada' bururmu siren lun imam, idi maré luk barén mangun ku liganmu, maya' kudeng luk icuk Musa, pad ngegala' kuan lun mula' ratnan iko pangeh nedo'.”