LUKAS 4:6 - BALA LUK DO'

⁶ Idi Iblis nepebala Neneh, “Ui sikal maré amung lalud ini idi rayehdeh kuanMu; ngaceku amung-amung ini pangeh biré negku, idi ui miak maré ineh kuan idé-idé lun pianku.

LUKAS 4:6 Iomraidhean Croise

ESTER 5:11

Ieh nepebala dengan medita' niat ratnan binawehneh luk mula', ratnan kinula' anak deléineh, idi teh ratnan kudeng apeh raca' nengikit neneh, idi ratnan ieh mebala meluun ratnan lun rayeh raca' luk baken.

YESAYA 23:9

Tuhan luk Melalud luk nengerawé amung ineh, ngaceku Ieh pian ngagka' dita' niatdeh ratnan amung luk inau'deh, pad ngigu' lun rayehdeh luk buren.

YESAYA 5:14

Su luk inan até melau nganét nedeh, idi tangneh mukab. Ieh nelen amung lun do' rat Yerusalim perapu lun mula' luk meria'.

LUKAS 4:7

Ngaceku ineh kudeng Iko sembayang negku idi amung-amung ineh mangun ku binawehMu.”

YAHYA 12:31

Nekini karebneh tana' ini miak kumin; nekini raca' tana' ini miak talan.

YAHYA 14:30

Na Ui miak mala mio kuan muyuh teh, ngaceku raca' tana' ini macing, iamo' na ieh melalud rat Negku.

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

2 KORINTUS 11:14

Iamo' na ui mawa ratnan ineh, ngaceku Sétan sebuleng pana' miak ngisu' ayuneh, pad ieh siren mepad kudeng melaikat acang.

EPESUS 2:2

Kareb ineh muyuh nemaya' ulun tana' ini luk dat; muyuh nemaya' raca' amung-amung lalud luk arang gawa', ieh ineh roh luk ngakem nekini bang niat lemulun luk ngelaba bala Allah.

1 PETRUS 1:24

Maya' kudeng luk inayud, “Amung-amung lemulun mepad kudeng uduh idi amung rayehdeh mepad kudeng busakneh, Uduh ineh mekarang, idi busakneh merurug,

1 YAHYA 5:19

Tau kali' tau ini ratnan Allah, idi amung-amung tana' ini pa liang imet Luk Dat ineh.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

BALA LUK LINIO 13:2

Ayu pung luk sinierku ineh mepad kudeng kuir, kukudneh mepad kudeng kukud beruang, idi tangneh mepad kudeng tang balang. Idi galau ineh nemaré kuanneh tuehneh, kerusineh, idi laludneh luk rayeh.

BALA LUK LINIO 13:7

Ieh sinima' munu' amung-amung luk manu pad ieh nengelaya' nedeh, idi pangeh biré kuanneh lalud pa luun anid-anid babpat, inul, buri', idi pupu.