LUKAS 4:41 - BALA LUK DO'

⁴¹ Idi ada'-ada' pana' neremuat ratnan lemulun luk mula' ineh idi nengitang, keburi'deh, “Iko ini Anak Allah.” Idi Yésus nemebpeng nedeh na pebala-pebala, ngaceku ada' ineh nekali' idi Ieh ineh Keristus.

LUKAS 4:41 Iomraidhean Croise

MATIUS 26:63

Iamo' Yésus pirud mo'. Idi keburi' Imam Rayeh Neneh, “Ui ngecuk Namu pebulung ku ngadan Allah luk mulun, idi mada' nekai kudeng matu Iko Keristus Anak Allah.”

MATIUS 4:3

Idi Iblis iné' Neneh, kebalaneh, “Kudeng matu Iko Anak Allah, do' Iko ngisu' batu-batu ini mangun ku ruti kenenMu.”

MATIUS 8:16

Kareb malem aco, ideh nenguit mula' lemulun luk sinuet ada' amé' matun Yésus. Idi Ieh nenala' amung ada' dengan sebila' bala. Idi Ieh nengedo' amung-amung lun luk mét,

MATIUS 8:29

Idi didueh nengitang, keburi' didueh, “Anunké luk pianMu nekai, O Anak Allah? Iko macing sikal ngedereh nekaiké kareb nateh tarekneh macing?”

MATIUS 8:4

Idi kebala Yésus neneh, “Ngerawé do'-do'! Aleg mada' kuan seburur lemulun pana', iamo' do' iko amé' mada' bururmu siren lun imam, idi maré baré luk icu Musa, pad miak mangun ku sebuleng luk nekali' kuandeh.”

MARKUS 1:25

Idi Yésus nemebpeng neneh, keburi'Neh, “Pirud! Remuat iko ratnan lemulun ini!”

MARKUS 1:32

Kareb aco pangeh macep, idi ideh nenguit amé' matun Yésus amung-amung lemulun luk mét idi lemulun luk sinuet ada' pana'.

MARKUS 1:34

Idi Yésus nengedo' mula' lemulun luk inan puar-puar luk mét, idi mula' ada' pana' tila'Neh. Iamo' Ieh na maré ada' ineh pebala-pebala, ngaceku ada' ineh miti Neneh.

MARKUS 3:11

Kareb lemulun luk sineut ada' nenier Yésus, idi dieh neluka' pa kiungNeh idi nengitang, keburi'deh, “Iko ineh Anak Allah.”

LUKAS 4:39

Idi Ieh netuped iringneh idi nemebpeng dadem ineh. Idi dadem ineh pana' nedo', idi petacu ieh netumui idi nengasa' nedeh.

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAKUB 2:19

Manuké iko ku Allah ineh Sebuleng? Matu! Amung-amung ada' pana' manu teh, idi megegker ku tot.