LUKAS 4:29 - BALA LUK DO'

²⁹ Ideh nudur nala' Yésus rat bang bawang ineh idi nenguit Neneh amé' inan aceh buduk pegkung su luk inan bawangdeh pinudut, sikal nala' Neneh déi' beneh.

LUKAS 4:29 Iomraidhean Croise

INUL LUK KEDUEH 25:12

Idi lun Yahuda nengakem 10,000 burur lun Edom luk inuitdeh iné' luun aceh buduk batu. Idi ideh nemepet nedeh rat luun buduk batu ineh, pad ideh naté.

NANI UBUR 37:14

Lemulun luk dat ngangat pelapetdeh, idi ngimet gamandeh, sikal ngaté lemulun luk masi', idi lemulun luk do' niat.

IAP 15:35

Idi kebala Tuhan ni Musa, “Do' lemulun ineh pitayen. Idi do' amung lun Israil mitung neneh ku batu petatang rat su luk inan muyuh nelupo.”

LUKAS 4:28

Amung lemulun bang ruma' sembayang ineh pana' pelaba useh kareb ideh neninger bala ineh.

YAHYA 8:37

Ui kali' muyuh mupun Ibrahim, iamo' muyuh nakap dalan ngaté Negku, ngaceku bada'Ku na lapen muyuh.

YAHYA 8:40

Luk pangeh inau'Ku, ieh ineh ngegala' kuan muyuh anun-anun luk matu luk ilapKu ratnan Allah. Iamo' muyuh pian ngaté Negku. Ibrahim na nenganau' kudeng ineh!

YAHYA 8:59

Idi ideh nengamung batu pian mitung Neneh, iamo' Yésus nesigapung idi neremuat rat bang Ruma' Allah ineh.

IBERANI 13:12

Ineh punneh Yésus pana' naté bal alad bawang Yerusalim, pad Ieh miak ngeligan pupu ineh dengan dara'Neh sebuleng.