LUKAS 4:25 - BALA LUK DO'

²⁵ “Ninger do'-do', bang kareb Elia, inan mula' decur tinula' arang lun Israil, kareb na udan teluh lak anem bulan kinioneh pad macing iru' luk rayeh aput tana' ineh.

LUKAS 4:25 Iomraidhean Croise

RACA'-RACA' LUK PUN-PUN 17:1

Idi kebala Nabi Elia, lun Tisbi rat tana' Giliad ni Akab, “Ui ini demulun Tuhan. Idi ui pebulung ku ngadan Tuhan Allah lun Israil luk mulun: Na miak mudan, idi na ipup tuda'-tuda' lak, kudeng ui na pebala'.”

YESAYA 55:8

Ngaceku kebala Tuhan, “TerawéKu idi lawéKu baken ratnan terawé idi lawé muyuh.

MATIUS 20:15

Naké ui miak nganau' luk pianku ku binawehku sebuleng? Temaruhké iko ngaceku ui luk mekatu?’ ”

LUKAS 10:21

Bang kareb ineh pana' Yésus mawang niat bang Roh Meligan idi nepebala, “O Ama', Tuhan langit idi tana', Ui ngubur Namu, ngaceku Iko pangeh nengalum amung ini ratnan lemulun luk mileh idi luk do' kali', idi pangeh nengegala' neneh kuan anak-anak. O Ama', amung ineh inau'Mu maya' pianMu.

SURAT LUK BIRE PAULUS KUAN LUN RUM 9:15

Ngaceku Ieh nepebala ni Musa, “Ui miak méi' inan idé-idé luk pianKu, idi Ui miak mawa inan idé-idé luk pianKu.”

SURAT LUK BIRE PAULUS KUAN LUN RUM 9:20

O kinanakku, idéké iko luk sikal pesaad dengan Allah? Miakké luk pinipi' ineh pebala kuan luk mipi' ineh, “Ngudehké iko nenganau' negku kudeng ini?”

EPESUS 1:11

Amung-amung miak ruen maya' pian idi terawé Allah. Idi Allah nemili' netau mangun ku pupuNeh bang Keristus, ngaceku pinianNeh sebuleng, maya' kudeng luk litepNeh rat pun-pun.

EPESUS 1:9

Allah nenganau' luk pianNeh, pad Ieh nengegala' kuan tau terawéNeh luk inalum ineh, luk litepNeh miak uen ngeriput lemaba Keristus.

YAKUB 5:17

Elia ineh mepad teh ulunneh dengan tau, idi ieh nesembayang dengan anu pad udan na temurun, idi teluh lak anem bulan kinioneh udan na netemurun luun tana'.

BALA LUK LINIO 11:6

Didueh inan lalud ngitek langit pad na mudan laba' didueh mada', idi didueh inan lalud pa luun bued abpa' pad miak ngisu' ineh mangun ku dara', idi didueh miak ngelaya' tana' ku amung-amung ét, tuda'-tuda' kua' maya' pian didueh.