LUKAS 4:23 - BALA LUK DO'

²³ Idi kebala Yésus nedeh, “Kali' rungen muyuh mada' luk pinginud ini kuanKu, ‘O Lun Ngubat, ngedo' bururMu sebuleng,” idi teh, ‘Do' Iko nganau' tungé' bang bawangMu sebuleng, mepad kudeng luk biladeh nekai ratnan luk inau'Mu déi' Kapernaum.’

LUKAS 4:23 Iomraidhean Croise

MATIUS 13:54

idi nuli' iné' bawangNeh sebuleng. Ieh nemada' nedeh bang ruma' sembayangdeh pad macing ideh mawa, keburi'deh, “Rat iapehké lemulun ini nengalap ilehNeh? Siruh, kekamenNeh ini luk melalud teh!

MATIUS 4:13

Idi na Ieh tudo déi' Nasarét, iamo' Ieh iné' Kapernaum, luk iring tangeb Takung Galilia luk bang babpat Sebulon idi Naptali. Idi Ieh tudo déi',

MATIUS 4:23

Yésus nenalan aput tana' Galilia, idi nemada' bang ruma' sembayangdeh, idi Ieh nemada' Bala luk Do' ratnan Imet ineh, idi Ieh nengedo' amung-amung lun luk mét, idi melaya' burur.

MARKUS 6:1

Idi Yésus nenecan bawang ineh, idi nuli' iné' bawangNeh sebuleng dengan anak-anak sekola'Neh.

LUKAS 2:39

Kareb ideh pangeh nenganau' amung-amung luk petulu maya' ukum Tuhan, idi ideh nuli' iné' Nasarét luk bang bawang Galilia.

LUKAS 2:51

Idi Yésus nemaya' nedidueh nuli' iné' Nasarét. Idi Ieh nemaya' bala didueh. Idi tinanNeh nenganug amung ineh bang niatneh.

LUKAS 4:16

Idi Yésus iné' Nasarét, su luk inanNeh tudo kareb Ieh anak. Idi kareb Aco luk inan Mudeng Ieh nesemuet bang ruma' sembayang maya' kudeng luk pekalai. Idi Ieh netuped sikal maca' Surat Allah.

LUKAS 4:31

Idi Yésus iné' Kapernaum bang babpat Galilia. Idi Ieh nemada' lemulun kareb Aco luk inan Mudeng.

LUKAS 4:35

Idi Yésus nemebpeng neneh, kebalaNeh, “Pirud! Remuat iko ratnan lemulun ini!” Idi ada' ineh pana' nengeluka' neneh arang lemulun luk mula' ineh, idi ada' ineh neremuat rat bang bururneh dengan na nenganau' luk métneh.

LUKAS 6:42

Kudeng apehké iko miak mala kuan kinanakmu ineh, ‘O kinanak, nima' negku ngeruat mumuk kayuh rat bang matehmu,’ ngaceku iko na nier batang luk bang matehmu sebuleng? O lun luk siayu, ngeruat batang rat bang matehmu sebuleng atun, idi muci iko miak nier megala' pad miak ngeruat mumuk kayuh luk bang mateh kinanakmu ineh.”

YAHYA 4:28

Idi decur ineh nenecan sidangurneh, idi iné' bang bawang idi nepebala nelun mula' déi',

2 KORINTUS 5:16

Ngaceku ineh, rat pad sini na kai ngesala' seburur pana' maya' ayu lemulun. Sagan pana' kai pangeh ngiti Keristus maya' ayu lemulun, iamo' nekini na kai ngiti Neneh mepad kudeng ineh teh.