LUKAS 4:2 - BALA LUK DO'

² Idi déi' Ieh tinutun Iblis apat ngepulu' aco kinioneh. Ruked ineh sebuleng anun-anun pana' nateh kinanNeh. Kareb pangeh mabud aco ineh Ieh melau peh.

LUKAS 4:2 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

RACA'-RACA' LUK PUN-PUN 19:8

Elia netumui idi nekuman idi nengirup. Ngaceku tueh luk ilapneh ratnan akanneh ineh, idi ieh nenalan apat ngepulu' aco apat ngepulu' dacem, pad ieh nacing déi' surud Allah, ieh ineh Sinai.

ESTER 4:16

“Amé' ngamung lun Yahudi luk déi' Susa, pad ideh mawa' na kuman idi ngerawé negku. Aleg kuman idi ngirup teluh aco idi teluh dacem kinioneh. Demulunku idi ui pana' miak nganau' kudeng ineh teh. Pangeh ineh ui miak amé' papu' raca', sagan tu pana' ngelaba ukum. Kudeng ui maté, ui maté.”

PURA' 24:18

Idi Musa nesemuet uned-uned laput ineh idi numak pegkung ineh. Idi ieh netudo luun pegkung ineh apat ngepulu' aco idi apat ngepulu' dacem kinioneh.

PURA' 34:28

Idi Musa idi dengan Tuhan apat ngepulu' aco apat ngepulu' dacem kinioneh. Na ieh kuman. Na ieh ngirup abpa'. Idi Musa nengayud amung bala pejani' ineh, ieh ineh ukum pulu' luun balad batu ineh.

YUNUS 3:7

Idi ieh nemaré kali' kuan amung lun Ninewé: “Ini aceh ukum ratnan raca' idi lun rayeh-rayeh teh: Seburur pana' nateh miak kuman anun-anun; do' lemulun, idi sapi', idi dumba pana', na miak kuman idi ngirup.

MATIUS 21:18

Idi pekak kareb Yésus nelemubed iné' bawang ineh, Ieh melau.

MATIUS 4:2

Idi Ieh mawa' apat ngepulu' aco idi apat ngepulu' alem. Pangeh ineh Ieh melau peh.

LUKAS 4:3

Idi Iblis nepebala Neneh, “Kudeng matu Iko Anak Allah, do' Iko ngisu' batu ini mangun ku ruti kenenMu.”

YAHYA 4:6

Idi déi' inan aceh subuk Yakub. Idi ngaceku Yésus merur nenalan Ieh netudo iring subuk ineh. Kareb ineh lélé muned aco.

BADA' RATNAN UKUM 9:18

Idi ui netekeradung sembayang pa kiung Tuhan maya' kudeng luk atun, apat ngepulu' aco apat ngepulu' dacem kinioneh. Na ui nekuman idi nengirup anun-anun pana', ngaceku ratnan amung sala' luk inau' muyuh, pad ngeruat useh Tuhan.

BADA' RATNAN UKUM 9:25

“Idi ui netekeradung sembayang inan Tuhan apat ngepulu' aco apat ngepulu' dacem kinioneh, ngaceku Tuhan pian ngaté nemuyuh.

BADA' RATNAN UKUM 9:9

Ui nuké luun pegkung idi nengalap dueh balad batu, ieh ineh balad batu pejani' luk pangeh inau' Tuhan kuan muyuh, idi ui tudo luun pegkung ineh apat ngepulu' aco apat ngepulu' dacem kinioneh. Ruti pana' nateh kinanku, abpa' pana' nateh inirupku.

IBERANI 2:18

Nekini Ieh miak ngedengan lemulun luk tetunin ineh, ngaceku Ieh sebuleng pangeh pidereh idi tinutun.

IBERANI 4:15

Ngaceku na luk idi Imam Rayeh kuan tau luk na méi' inan amung-amung laya' tau, iamo' luk pangeh nengalap tutun bang luk amung-amung mepad kudeng tau, idi teh Ieh na mesala'.

SEMUIL LUK PUN-PUN 17:16

Pekak idi malem apat ngepulu' aco kinioneh lun Pilistin ineh nacing idi tuped pa atun lun Israil.