LUKAS 4:18 - BALA LUK DO'

¹⁸ “Roh Tuhan idi pa luunKu, ngaceku Ieh pangeh nengumau Negku, pad Ui mada' Bala luk Do' kuan lun masi'. Ieh nengecuk Negku mada' puit kuan lun luk tiban, idi ngedo' mateh lun luk nebuser, idi muit lemulun luk neritep,

LUKAS 4:18 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

INUL LUK KEDUEH 34:27

Idi iko nuren idi nengebeneh bururmu pa kiungKu dengan nangi' idi nenarak ayungmu, kareb iko neninger amung bala ratnan kudeng apeh Ui ngukum Yerusalim idi amung lun luk bang bawang ini. Ngaceku ineh Ui pangeh neninger sembayangmu,

NANI UBUR 102:20

pad miak ninger arod lemulun luk tiban, idi muit lemulun luk nengalap ukum maté.

NANI UBUR 147:3

Ieh ngedo' lemulun luk mesusa' niat, idi ngabet uratdeh.

NANI UBUR 2:2

Amung raca'deh sikal metueh, idi amung lun luk ngimet nedeh pamung sikal metueh ratnan Tuhan idi raca'Neh luk pinili'.

NANI UBUR 2:6

KebalaNeh, “Ui pangeh nengeletep raca'Ku luun Sion, pegkungKu luk meligan.”

NANI UBUR 34:18

Tuhan muneng nelun luk melaso niat; idi Ieh ngulun lemulun luk pelaba susa'.

NANI UBUR 45:7

iko mawa inan lukmatu, idi megateh inan luk dat. Ini punneh Allahmu pangeh nemili' namu, idi nemaré awang luk mula' namu, meluun rat nelun baken.

NANI UBUR 51:17

Baréku, ieh ineh niat luk mebeneh, O Allah; Iko pian ku niat luk mebeneh, idi luk nginuud ratnan sala'.

YESAYA 32:3

Matehdeh kulat idi laliddeh ninger pad ideh kali' pian pupu ineh.

YESAYA 35:5

Lun mebuser miak nier, idi lun mebengel miak ninger.

YESAYA 42:7

Iko miak ngalat mateh lun luk nebuser, idi muit lemulun rat bang tutup luk medacem.

YESAYA 45:13

Ui luk nengegio Kores, pad ieh ngacing terawéKu idi nganau' luk matu. Ui miak ngesiri amung dalan luk delaninneh. Kores mudut baruh bawangKu Yerusalim, idi muit pupuKu luk tiban ineh. Na lun nabpar neneh pad ieh nganau' kudeng ineh.” Tuhan luk Melalud pangeh nepebala.

YESAYA 49:9

Ui pebala kuan lun luk tiban, ‘Do' muyuh mepuit!’ Idi kuan lun luk tudo bang dacem, ‘Do' semuet bang acang!’ Kareb ineh ideh mepad kudeng dumba bang laman;

YESAYA 50:4

Tuhan nemada' Negku ratnan luk belénKu, pelé Ui ngetueh lemulun luk merur. Anid pekak Ieh nganau' Negku geregan ninger luk badénNeh Negku.

YESAYA 57:15

“Ui ini Allah luk medita' idi meligan, luk mulun ruked-ruked. Ui tudo déi' su luk medita' idi meligan. Idi teh Ui tudo dengan lemulun luk nginuud idi luk mebeneh niat pelé Ui nuneb nedeh pad ideh merapet teh.

YESAYA 59:21

Idi Ui pejani' nemuyuh: RohKu luk tudo luun muyuh idi balaKu luk inau'Ku luun bibir muyuh, na miak buro ratnan tang muyuh macing inan inul-inul muyuh, rat nekini macing ruked-ruked. Tuhan pangeh nepebala.”

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

YESAYA 66:2

Ui sebuleng nemudut amung-amung pudut! Ui mawang niat ku lemulun luk mebeneh niat idi luk uren, luk matot Negku idi luk maya' balaKu.

YEHISKIEL 9:4

“Do' amé' nalan aput bawang Yerusalim, idi nganau' aceh tanu' luun madu' amung lemulun luk mesusa' niat ngaceku amung kekamen luk dat luk ruen lun bang bawang ineh.”

DANIEL 9:24

“Allah pangeh nengeletep tudu' kua' tudu' ngepulu' lak, pad pupumu idi bawangmu luk meligan miak mangeh amung-amung dat idi sala-deh. Pangeh ineh ideh miak ngalap do' ratnan sala'deh, idi luk matu luk meruked miak uen ngeletep, pad luk sinier ineh idi bada' luk biré ineh miak mangun, idi Ruma' Allah luk meligan miak uen ngeligan.

SEPANIA 3:12

Pupu luk tacinKu su ineh mebeneh niat. Idi ideh miak amé' Negku idi mutuh pedengan.

SEKARIA 11:11

Idi jani' ineh igka' bang aco sineh. Ideh luk pebelih dumba nenginita negku, idi ideh nekali' Tuhan nepebala nedeh bang luk inau'ku ineh.

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

MATIUS 11:5

ieh ineh lun melun mebuser kulat mateh, lun meliai miak nalan, lun mét susud pangeh linigan, lun mebengel ninger, idi lun naté tinui peh, idi Bala luk Do' bida' kuan lun masi'.

MATIUS 12:18

“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.

MATIUS 12:20

Na Ieh sikal mutut bulu' luk pekuyut, idi ngilep sibabu luk uned merabpun. Ieh ngakem pad macing luk matu ruen metueh;

MATIUS 4:16

Pupu luk tudo bang dacem, miak nier acang luk rayeh. Idi kuan lemulun luk tudo bang lungung su luk inan até acang miak macing.”

MATIUS 5:3

“Samal kuan lemulun luk kali' asi'deh pa kiung Allah, ngaceku ideh luk kuan Imet surga.

LUKAS 4:17

Idi ideh nemaré kuanNeh surat Nabi Yesaya. Pangeh Ieh nengelesad ineh, idi Ieh nepapu' aceh bala luk pangeh inayud,

LUKAS 6:20

Yésus nenier anak-anak sekola'Neh idi nepebala, “Samal kuan muyuh luk masi'; ngaceku muyuh luk kuan Imet Allah.

LUKAS 7:22

Idi Yésus nengor bala didueh, keburi'Neh, “Amé medueh idi mada' kuan Yahya ratnan anun-anun luk pangeh sinier idi pindenger medueh; ieh ineh lun mebuser kulat mateh, lun meliai nalan, lun mét susud pangeh biru', idi lun mebengel ninger peh, lun naté pana' tinui, idi Bala luk Do' pangeh bida' kuan lun masi'.

YAHYA 1:41

Idi Andrias nepapu' kinanakneh Simun, idi nepebala neneh, “Kai pangeh nepapu' Mesias” (luk ilungneh Keristus).

YAHYA 12:46

Ui ini nacing bang tana' ini mangun ku acang, pad idé-idé luk manu Negku na tudo bang dacem.

YAHYA 3:34

Ieh luk icuk Allah mada' bala Allah, ngaceku Allah maré TohNeh dengan na uen nguad.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

KEKAMEN RASUL-RASUL 4:26

Idi amung-amung raca' bang tana' netumui, idi lun luk ngimet pana' nepamung sikal metueh ratnan Tuhan idi KeristusNeh.’

KEKAMEN RASUL-RASUL 4:27

Matu bang bawang ini Herodés idi Pontius Pilatus nepamung dengan lun pupu baken idi pupu Israil pana' sikal metueh ratnan Yésus DemulunMu luk meligan ineh, luk inumauMu mangun ku Keristus.

KOLOSE 1:13

Ieh nemuit netau ratnan lalud dacem idi nemubuh netau amé' bang imet Anak luk inanNeh mawa.

YAKUB 2:5

Do' muyuh ninger, O kinanak-kinanak luk inanku mawa, bakenké Allah mili' lemulun luk masi' bang tana' ini mangun ku lun do' bang anu idi ngalap babpat Imet luk pangeh pijani'Neh kuan amung-amung lemulun luk mawa Neneh?

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.