LUKAS 3:7 - BALA LUK DO'

⁷ Idi keburi' Yahya kuan lun mula' luk nacing sikal rerebpenneh, “O muyuh menipeh! Idéké pangeh nemada' nemuyuh buro ratnan useh luk miak macing?

LUKAS 3:7 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

YESAYA 59:5

Gayam muyuh luk dat mepad galih kudeng terur seruang. Nutun macit sebuleng idi inan teh! Iamo' gayam muyuh na ulek kuan muyuh. Ideh mepad kudeng ayung luk inau' ratnan baru kelawa'!

MATIUS 12:34

O muyuh menipeh, kudeng apehké muyuh miak pebala luk do', kudeng muyuh sebuleng luk dat? Ngaceku ela ratnan niat lemaba bibir tangneh.

MATIUS 23:33

Muyuh menipeh idi inul menipeh, kudeng apehké muyuh mepuit ratnan ukum apui?

MATIUS 3:6

Idi ideh nengamo sala'deh, idi Yahya nengerereb nedeh bang Abpa' Yarden.

YAHYA 8:44

Taman muyuh, ieh ineh Iblis, idi muyuh sikal maya' pian taman muyuh. Rat pun-pun Iblis, ieh ineh lun ngaté, idi na ieh tudo bang luk matu, ngaceku na luk matu bang neneh. Kareb ieh mebalih idi ieh pebala maya' ayuneh sebuleng, ngaceku ieh luk mebalih ineh taman amung-amung balih.

KEKAMEN RASUL-RASUL 13:10

idi keburi'neh, “O iko luk mepanu' ku amung-amung balih idi luk dat, anak Iblis, bunu' amung-amung luk matu'! Megéi' iko ngekilu' dalan Tuhan luk mesiri!

1 TESALONIKA 1:10

idi nganét acing AnakNeh luk rat surga, luk pangeh tinui rat arang lun naté, ieh ineh Yésus luk nemuit netau ratnan useh luk miak macing teh.

IBERANI 6:18

Ngaceku ineh, inan dueh punneh luk na misu', idi Allah na mebalih ratnan ineh. Idi tau luk paneh nengalap ulun bang Neneh, miak ngalap kuu', pad tau ngimet meraben rapet ineh luk pangeh rireng pa kiung tau.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.