LUKAS 3:3 - BALA LUK DO'

³ Idi Yahya nenalan aput-aput bawang libut Abpa' Yarden mada' ratnan rereb uren, ieh ineh dalan ngalap do' ratnan sala',

LUKAS 3:3 Iomraidhean Croise

MATIUS 3:11

Ui ngerereb nemuyuh bang abpa', mangun ku tanu' muyuh pangeh nuren, iamo' Ieh luk macing muci rat negku ngerereb nemuyuh ku Roh Meligan idi apui. Ieh meluun lalud ratnan ui, idi ngiding kasutNeh pana' ui na mayu.

LUKAS 1:16

Idi ieh miak nguli' mula' lun pupu Israil amé' inan Allah Tuhandeh ineh.

LUKAS 1:77

pelé mada' pupuNeh ratnan ideh miak uen ngulun pad ideh ngalap do' ratnan sala'deh.

LUKAS 4:1

Idi Yésus pana' nepanu' ku Roh Meligan, kareb Ieh nelemubed rat Yarden. Idi Roh ineh nenguyut Neneh iné' su luk ali-ali.

YAHYA 1:28

Amung ini pangeh mangun déi' Baitani, déi' dipar Abpa' Yarden, su luk inan Yahya nengerereb lemulun.

YAHYA 3:26

Idi ideh iné' ni Yahya idi nepebala neneh, “O Guru iko ngerawé lemulun ineh luk denganmu dipar Abpa' Yarden, luk pangeh bilamu? Ieh ngerereb lemulun nekini idi amung-amung lemulun amé' Neneh.”

KEKAMEN RASUL-RASUL 13:24

Idi atun ratnan acingNeh Yahya pangeh nemada' ratnan rereb idi uren kuan amung-amung lun pupu Israil.

KEKAMEN RASUL-RASUL 19:4

Idi keburi Paulus, “Yahya ineh nengerereb nelun luk uren mo'. Ieh nemada nelun Israil, pad ideh manu Neneh luk macing muci rat neneh, ieh ineh Yésus.”

KEKAMEN RASUL-RASUL 22:16

Idi nekini anunké punneh iko nganét? Tumui iko idi rerebpen idi nawar ngadan Yésus, pad amung-amung sala'mu uen ngiu'.’