LUKAS 3:11 - BALA LUK DO'

¹¹ Idi kebala Yahya, “Lemulun luk inan dueh kuyuh, do' ieh maré sebuleng kuan lemulun luk na, idi lemulun luk mula' luk kenen, do' ieh nganau' kudeng ineh teh.”

LUKAS 3:11 Iomraidhean Croise

YEHISKIEL 18:7

Na ieh naluk nelun baken, idi na ieh mano teh. Ieh nguli' luk biré lun luk ngiceh ku dudukneh. Ieh maman lemulun luk melau idi ngayung lemulun luk lubpa.

DANIEL 4:27

Ngaceku ineh, O raca', do' iko maya' bada'ku. Ugka' nganau' sala', idi nganau' luk matu; méi' kuan lun masi', pad iko uren ratnan amung-amung dat luk pangeh inau'mu, idi iko miak uen ngeperuan peh.”

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

LUKAS 11:41

Iamo' maré kuan lun masi' anun-anun luk bang sangkir idi bigan muyuh, idi luk amung-amung miak meligan kuan muyuh.

LUKAS 18:22

Kareb Yésus neninger balaneh, idi Ieh nepebala neneh, “Sebuleng mo' luk nateh inau'mu. Masui amung-amung binawehmu idi maré kuan lun masi', pad iko ngalap binaweh déi' surga, idi amé' maya' Negku.”

LUKAS 19:8

Sakius netuped idi nepebala inan Tuhan, “Sebuang ratnan binawehku, O Tuhan, ui maré kuan lemulun luk masi', idi kudeng ui pangeh nengalap binaweh dulun dengan naluk, ui maré lemubed apat kua' kinula'neh.”

YAHYA 13:29

Ngaceku Yudas ineh ngimet usin, inan luk ngerawé Yésus nepebala neneh, “Do' tau melih anun-anun luk pian tau kuan irau,” kian, pad ieh maré kuan lun masi' lek.

KEKAMEN RASUL-RASUL 10:2

Ieh ineh selemulun luk sembayang idi luk manu inan Allah dengan amung uang tetek ruma'neh. Ieh megéi' maré kuan lun Yahudi luk masi'. Idi ieh megéi' sembayang inan Allah.

KEKAMEN RASUL-RASUL 10:31

idi kebalaneh, ‘O Kornilius, sembayangmu pangeh ilap idi éi'mu pana' tirawé Allah.

KEKAMEN RASUL-RASUL 10:4

Idi ieh nenier melaikat ineh dengan matot, kebalaneh, “Anun idi, O Tuhan?” Idi kebala melaikat neneh, “Amung sembayangmu idi éi'mu pangeh kali' Allah mangun ku aceh terawé pa kiungNeh.

EPESUS 4:28

Lemulun luk pekalai mano, do' ieh ugka' mano peh, idi meluun do' ieh merur nakap luk kuan bururneh sebuleng, pad ieh miak maré kuan lun masi'.

1 TIMOTIUS 6:17

Do' mada' kuan amung-amung lemulun luk lun do' bang tana' ini, pad ideh na medita' niat, idi aleg ideh merapet ku binaweh luk na meruked ineh. Iamo' do' ideh merapet inan Allah luk maré anun-anun kuan tau dengan mela pad niat tau mawang.

1 TIMOTIUS 6:18

Ngecuk nedeh nganau' luk do', pad kekamendeh luk do' ineh amé' mula'. Dengan méi' idi mekatu do' ideh maré kuan lun baken.

IBERANI 6:10

Ngaceku baken Allah na matu, idi Ieh na mekelupan ratnan, kekamen muyuh idi awa muyuh lu ginala' muyuh kuanNeh, kareb muyuh nengasa' nelun manu atun, idi macing nekini teh.

YAKUB 1:27

Baya' luk meligan idi meriput pa kiung Allah Taman, ieh ineh ngikak anak maté idi decur tinula' bang susa'deh, idi ngasa' burur pad na uen tana' ini ngelutak.

YAKUB 2:14

O kinanak-kinanakku, anunké ulekneh kudeng seburur lemulun pebala, “Ui inan anu,” iamo' kekamenneh na ngegala' anu ineh? MIakké anu ineh ngulun neneh?

1 YAHYA 3:17

Kudeng seburur lun do' kali' kinanakneh masi', iamo' na méi' neneh, kudeng apehké ieh miak ngamo awa Allah idi bang niatneh?

1 YAHYA 4:20

Kudeng idé lemulun luk pebala, “Ui mawa inan Allah,” iamo' ieh megateh inan kinanakneh, idi lemulun ineh mebalih, ngaceku lemulun luk na mawa inan kinanakneh luk sirenneh, idi na ieh miak mawa inan Allah luk nateh sinierneh.