LUKAS 24:50 - BALA LUK DO'

⁵⁰ Idi Yésus nenguit nedeh remuat rat Yerusalim idi nemaya' nedeh macing Baitani. Idi Ieh nengiding ticuNeh idi nengeperuan nedeh.

LUKAS 24:50 Iomraidhean Croise

PUDUT 27:4

Idi nanek aceh kikidku, mepad kudeng luk inanku geregan, idi nguit ineh amé' negku. Kareb ui pangeh nekuman ineh, idi ui miak ngeperuan namu kareb nateh ui maté.”

PUDUT 48:9

Idi kebala Yusup, “Ini anakku luk pangeh biré Allah kuanku tungé' Masir.” Idi kebala Yakub, “Do' nguit nedidueh amé' negku, pad ui miak ngeperuan nedidueh.”

PUDUT 49:28

Idi amungdeh ineh mangun ku pulu' dueh pupu Israil. Idi ini luk bila tamandeh kareb ieh neperiteteng nan anid-anid anakneh.

UKUM 9:22

Idi Arun nengiding ticu'neh pa luun lun mula' ineh idi ieh nemutuh peruan kuandeh. Kareb ieh pangeh nemaré amung baré ineh, idi ieh netemurun.

MATIUS 21:17

Idi Yésus nenecan nedeh, idi neremuat rat bang bawang ineh, idi iné rudap déi' bawang Baitani.

MARKUS 10:16

Idi Yésus nengapel anak-anak ineh, idi Ieh nengerareng ticu'Neh luundeh idi nengeperuan nedeh.

MARKUS 11:1

Kareb ideh malé macing bawang Yerusalim, muneng ku Baitpagi idi Baitani, luk déi' luun Pegkung Saitun, idi Yésus nengecuk dueh burur anak sekola'Neh,

LUKAS 24:51

Uned Ieh nengeperuan nedeh, idi Ieh nepatad rat nedeh, idi Ieh nekemikit umak iné' surga.

KEKAMEN RASUL-RASUL 1:12

Pangeh ineh rasul-rasul nelemubed iné' Yerusalim rat Pegkung Saitun, luk lélé setangal batu rat Yerusalim.

KEKAMEN RASUL-RASUL 1:9

Idi pangeh Ieh nepebala kudeng ineh, idi Ieh ilap peh laba' ideh nier Neneh, idi aceh laput nengelinged Neneh rat pa kiungdeh.

1 TIMOTIUS 2:8

Pianku amung-amung deléi sembayang bang anid-anid luk inan, idi ngiding ticu' luk meligan dengan na museh idi pekedaluh.

YUSAK 22:6

Idi Yusak nemaré peruan nedeh, idi ieh nenima' nedeh nalan. Idi ideh nuli' peh.