LUKAS 24:49 - BALA LUK DO'

⁴⁹ Ui ini maré kuan muyuh luk pijani' TamanKu. Iamo' do' muyuh nganét bang bawang ini, pad muyuh uen ngeriput dengan lalud luk rat déi' dita'.”

LUKAS 24:49 Iomraidhean Croise

YESAYA 32:15

Iamo' Allah ngutang RohNeh kuan tau sekua' teh. Su luk ali-ali mangun mebaleng, idi lati' ngeruat uli' luk do'.

YAHYA 14:26

Iamo' Lun Ngedengan ineh, ieh ineh Roh Meligan, luk uen Taman ngecuk bang ngadanKu, Ieh luk miak mada' luk amung-amung kuan muyuh. Idi Ieh ngedengan nemuyuh pad muyuh ngerawé amung-amung luk pangeh bilaKu nemuyuh.

YAHYA 15:26

“Iamo' Lun Ngedengan ineh miak macing, ieh ineh Roh luk matu luk macing ratnan Taman. Ui ngecuk Neneh amé' nemuyuh ratnan Taman ineh, idi Ieh miak maré kali' ratnan Ui.

KEKAMEN RASUL-RASUL 1:4

Kareb ideh nepamung, idi Ieh nemebpeng nedeh na necan Yerusalim, kebalaNeh, “Do' muyuh nganét baré luk pijani' TamanKu, luk bilaKu nemuyuh.

KEKAMEN RASUL-RASUL 1:8

Iamo' muyuh miak mepanu' ku lalud kareb Roh Meligan temurun luun muyuh, idi muyuh miak mangun ku lun nekali' Negku, do' déi' Yerusalim, do' aput tana' Yudia idi Samaria pad macing iring tana'pana'.”

KEKAMEN RASUL-RASUL 16:7

Kareb ideh nacing lakan Misia, idi ideh sikal nutun semuet déi' Bitinia, iamo' Roh Yésus na nima' nedeh.