LUKAS 24:45 - BALA LUK DO'

⁴⁵ Idi Ieh nengukab terawédeh pad ideh kali' ilung bala Surat Allah ineh,

LUKAS 24:45 Iomraidhean Croise

AYUB 33:16

Allah nganau' nedeh ninger luk belénNeh, pad ideh matot ku bada'Neh.

NANI UBUR 119:18

Ngalat matehku, pad ui miak nier bada' luk pelaba do' bang SuratMu.

PURA' 4:11

Idi kebala Tuhan neneh, “Idéké luk nenganau' tang lemulun? Idéké luk nenganau' lun mebegkeh idi mebengel, nganau' lemulun nier idi mebuser? Ieh ineh Ui ini Tuhan.

LUKAS 24:32

Idi didueh nepebala seburur kuan seburur, “Bakenké niat kiteh nesigio kareb Ieh nepebala kuan kiteh maya' dalan, idi nengelio rat bang Surat Allah kuan kiteh?”

KEKAMEN RASUL-RASUL 16:14

Idi inan aceh decur ngadanneh Lidia, seburur rat Tiatira luk masui kibung luk sia' merirem. Ieh sembayang inan Allah, idi Tuhan nengukab niatneh pad ieh nengerawé amung-amung bala luk bila Paulus ineh.

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

EPESUS 5:14

Ngaceku anun-anun luk ginala' bang acang, ieh ineh macang. Ini punneh Tuhan pebala, “Kulat, O iko luk rudap, idi tumui rat arang lun naté! Idi Keristus macang luunmu.”

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 3:7

“Kuan melaikat sidang luk déi' Piladelpia, do' ngayud kudeng ini: “Ini bala rat Neneh luk meligan idi luk matu, luk ngimet taka Daud, luk ngukab, idi na seburur pana' miak ngitek, luk ngitek, idi seburur pana' na miak ngukab.