LUKAS 24:44 - BALA LUK DO'

⁴⁴ Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

LUKAS 24:44 Iomraidhean Croise

PUDUT 14:18

Idi Melkisadak raca' Salem nenguit ruti idi abpa' anggur kuan Abram, ngaceku ieh ineh imam Allah luk Meluun Dita'.

PUDUT 22:18

idi ratnan inulmu amung-amung pupu luk bang tana' ini miak ngalap peruan, ngaceku iko nemaya' balaKu.”

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

NANI UBUR 118:22

Batu luk tila' lemulun luk mudut ruma', nangun ku batu lidung luk meraben.

YESAYA 28:16

Kudeng ini bala Tuhan: “Ui nganau' déi' Sion aceh tapin luk meraben. Luun ineh Ui nganau' aceh batu lidung luk metueh. Idi bala ini inayud luunneh, ‘Lemulun luk manu mulai niat.’

YESAYA 52:13

Kebala Tuhan, “Kekamen DemulunKu miak inan peruan; Ieh uen ngerayed idi buren.

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

YEREMIA 23:5

Kebala Tuhan, “Kali' rungen muci Ui miak mili' aceh inul Daud luk matu mangun ku raca'. Raca' ineh mileh ngimet idi miak nganau' luk mesiri idi luk matu aput-aput tana'.

YEREMIA 33:14

Kebala Tuhan, “Tarekneh miak macing, kareb Ui ngacing jani'Ku nelun Israil idi Yahuda.

YEHISKIEL 17:22

Kudeng ini bala Tuhan Allah: “Ui miak ngalap udung kayuh tumuh, idi nangal aceh angat luk mebaruh; Ui nibu ineh luun pegkung luk medita',

YEHISKIEL 34:23

Ui maré kuandeh demulunKu Daud ku Lun Matar nedeh, idi Ieh miak ngasa' nedeh.

DANIEL 2:44

Idi kareb raca'-raca' ineh ngimet, Raca' Surga miak ngeletep aceh imet luk na kekipedneh. Imet ineh na miak uen ngelaya', iamo' ieh miak ngusag amung-amung imet luk baken. Idi ieh miak meraben macing ruked-ruked.

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

HOSIA 3:5

Muci lun Israil miak lumi inan Tuhandeh, idi Daud luk raca'deh. Kareb ineh, ideh miak matot inan Tuhan idi ngalap baré-baréNeh luk do'.

AMOS 9:11

Kebala Tuhan, “Kareb ineh Ui nuneb tetek ruma' Daud luk mepad kudeng ruma' luk netabpa. Ui ngedo' aladneh, idi nuneb neneh baruh. Ui mudut neneh baruh mepad kudeng luk atun.

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

SEKARIA 14:4

Kareb ineh Ieh miak tuped luun Pegkung Saitun, luk pa busat aco Yerusalim. Idi Pegkung Saitun ineh miak mekupa rat pa busat aco macing pa acep aco, pad inan aceh raked luk rayeh. Setangal pegkung ineh miak mubuh amé' pa tinueh busat aco, idi setangal miak mubuh amé' pa kabing busat aco.

SEKARIA 6:12

Mada' neneh ratnan luk bila Tuhan luk Melalud, kebalaNeh, Lemulun luk titen Angat miak temubu' su luk inanNeh, idi mudut Ruma' Tuhan baruh.

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

IAP 21:8

Kebala Tuhan ni Musa, “Do' iko mudut aceh seruang ratnan tekaling. Nganau' neneh paped aceh kayuh luk mekadang. Idé-idé luk tinicuk, idi nier ineh, ieh miak mulun.”

IAP 35:25

Idi do' lun mula' ineh matar nelun luk nengaté ineh ratnan lemulun luk pian ngua' até ineh, idi nated neneh lemubed amé' bang bawang luk inan sigapung, luk inanneh neburo atun. Idi do' ieh tudo déi', pad Imam Rayeh ineh maté.

MATIUS 1:22

Idi amung ini pangeh mangun, pad ngacing luk bila Tuhan dengan tang nabi, kebalaNeh,

MATIUS 16:21

Rat kareb ineh, Yésus nengimun mada' kuan anak-anak sekola'Neh, kebalaNeh, “Na miak na Ui amé' déi' Yerusalim, idi mabeh mula' dereh ratnan lun rayeh, idi ratnan imam-imam rayeh idi guru-guru Ukum, pad Ui pitayen teh, idi aco luk keteluh Ui miak tuyen teh.”

MATIUS 26:54

Iamo' kudeng Ui nganau' kudeng ineh, kudeng apehké miak macing bala Surat Allah luk pebala, idi na miak na mangun kudeng ini?”

MATIUS 26:56

Iamo' amung ini pangeh mangun pad ngacing bala Surat Allah luk bila nabi-nabi.” Idi amung-amung anak sekola'Neh nenecan Neneh, idi neburo.

MARKUS 9:31

ngaceku Ieh uned mada' anak-anak sekola'Neh, kebalaNeh, “Anak-Lemulun barén bang palad lemulun, idi lemulun miak ngaté Neneh. Kareb Ieh pitayendeh, idi pangeh teluh aco, idi Ieh miak tumui teh.”

LUKAS 21:22

Ngaceku ieh ineh Aco Ngukum, pad amung-amung luk inayud bang Surat Allah miak macing.

LUKAS 22:37

Ngaceku Ui pebala nemuyuh, anun-anun luk inayud ratnan bururKu na miak na uen ngacing teh, ieh ineh, ‘Idi Ieh pangeh iniap pad-pad dengan lemulun luk ngelaba ukum,’ ngaceku amung-amung luk petulu denganKu inan kekipedneh.”

LUKAS 24:46

idi kebalaNeh nedeh, “Pangeh inayud, Keristus na miak na medereh, idi Ieh miak tumui teh rat arang lun naté bang aco luk keteluh;

LUKAS 9:22

keburi'Neh, “Anak-Lemulun na miak na mabeh mula' dereh, idi talan lun rayeh-rayeh, imam-imam rayeh, idi guru-guru Ukum, pad Ieh pitayen. Idi aco luk keteluh Ieh miak tuyen teh.”

LUKAS 9:44

“Aleg kelupan luk belénKu nemuyuh, ngaceku Anak-Lemulun miak barén bang palad lemulun.”

YAHYA 3:14

Mepad kudeng Musa nengiding menipeh ineh déi' su luk ali-ali, kudeng ineh teh Anak-Lemulun kali' rungen uen ngikit,

YAHYA 5:39

Muyuh ngelio Surat Allah, ngaceku bang terawé muyuh bang ineh muyuh miak ngalap ulun luk meruked. Idi Surat ineh teh maré kali' ratnan Ui.

YAHYA 5:46

Kudeng muyuh manu inan Musa, kali' rungen muyuh manu Negku, ngaceku Musa pangeh nengayud ratnan Ui.

KEKAMEN RASUL-RASUL 13:33

maya' kudeng luk pijani' Allah kuan mupun tau, kareb Ieh nenui Yésus. Idi kudeng ineh teh luk inayud bang Nani Ubur luk kedueh, ‘Iko ini AnakKu, idi bang aco sini Ui pangeh nenganak Namu.’

KEKAMEN RASUL-RASUL 13:40

Ngaceku ineh matar do'-do', pad luk inayud bang surat nabi-nabi na macing nemuyuh,

KEKAMEN RASUL-RASUL 2:27

ngaceku na Iko maré niatku bang su inan até; idi na Iko maré DemulunMu luk meligan ruen melu.

KEKAMEN RASUL-RASUL 3:18

Atun Allah nemada' dengan dila' nabi-nabi ratnan KeristusNeh uen ngedereh. Idi nekini bala ineh pangeh icingNeh.

KEKAMEN RASUL-RASUL 7:37

Idi Musa ineh luk nepebala nelun pupu Israil, ‘Allah sikal maré kuan muyuh aceh Nabi rat arang pupu muyuh sebuleng mepad kudeng ui ini teh.’

IBERANI 10:1

Ukum lun Yahudi ineh baken aceh pinginud luk meriput, iamo' mepad kudeng lungung peruan luk miak macing. Idi Ukum ineh na tu-tu miak ngeligan lemulun luk amé' muneng dengan baré luk kereten imam-imam anid-anid lak.

IBERANI 3:5

Idi Musa ineh lutep kuan amung-amung uang ruma' Allah mepad kudeng demulun, idi ieh nepebala ratnan amung-amung luk miak badén Allah muci.

IBERANI 7:1

Melkisedek ineh raca' Salem idi imam Allah luk Meluun Dita'. Ieh nepapu' ni Ibrahim kareb Ibrahim nuli' ratnan ngelaya' raca'-raca', idi Melkisedek nengeperuan neneh.

IBERANI 9:8

Ratnan luk kudeng ineh Roh Meligan ngegala' kuan tau ratnan dalan semuet bang Su luk Meluun Ligan ineh nateh inukab kareb Lepo luk pa atun ineh idi teh.

1 PETRUS 1:11

Ideh nenakap karebneh idi kudeng apeh ayu kareb luk bida' Roh Keristus luk idi bang nedeh. Idi Roh ineh nemaré kali' atun ratnan amung-amung dereh Keristus, dengan amung-amung rayeh luk miak macing muci.

BALA LUK LINIO 19:10

Ui netekeradung sembayang neneh, iamo' kebalaneh negku, “Aleg nganau' kudeng ineh! Ui pana' demulun teh mepad kudeng iko, idi mepad kudeng amung-amung kinanakmu luk ngimet luk nekali' Yésus. Do' sembayang inan Allah.” Ngaceku bada' luk matu luk ginala' Yésus, ieh ineh luk ngegio niat nabi-nabi.