LUKAS 24:4 - BALA LUK DO'

⁴ Kareb ideh tuped idi mawa ratnan ineh, denak-denak dueh burur lemulun netuped iringdeh dengan ayung luk merasat.

LUKAS 24:4 Iomraidhean Croise

PUDUT 18:2

Ieh netukag idi nekali' teluh burur lemulun tuped pa kiungneh. Kareb ieh nenier nediteluh, ieh nupun ratnan tanga' ineh iné' papu' nediteluh, idi ieh netekunal.

MARKUS 16:5

Idi ideh nesemuet bang tanem ineh, idi ideh nenier seburur anak adi' luk tudo pa tinueh, luk nengayung ku kuyu' luk mebuda'. Idi ideh pelaba tot.

LUKAS 2:9

Idi denak-denak sebuleng melaikat Tuhan netuped iringdeh, idi rayeh Tuhan pana' merasat libut-libutdeh, idi ideh pelaba tot.

LUKAS 24:5

Idi ideh pelaba tot dengan netekunal macing kiungdeh luun tana', idi dueh burur lemulun ineh nepebala nedeh, “Anunké punneh muyuh nakap luk mulun arang luk naté?

KEKAMEN RASUL-RASUL 1:10

Idi laba' ideh netengook déi' langit kareb Ieh numak, denak-denak dueh burur lemulun dengan ayung luk mebuda', tuped muneng iringdeh.

KEKAMEN RASUL-RASUL 12:7

Denak-denak aceh melaikat Tuhan netuped déi', idi aceh acang merasat bang takep ineh. Idi melaikat ineh nengegio tudung Pétrus idi nengalat neneh, kebalaneh, “Tumui iko dengan mesaget.” Idi kaling ineh pana' netaka ratnan ticu'neh.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.