LUKAS 24:36 - BALA LUK DO'

³⁶ Uned ideh pebala-pebala ratnan amung-amung ineh, idi denak-denak Yésus netuped arang uneddeh, idi nepebala kuandeh, “Awang kuan muyuh!”

LUKAS 24:36 Iomraidhean Croise

YESAYA 57:18

“Ui nekali' kekamendeh; iamo' Ui miak ngedo' nedeh. Ui nguyut idi ngedengan nedeh; idi Ui ngubuk lemulun luk mesusa' niat.

MATIUS 10:13

Idi kudeng lun luk bang ruma' ineh do' niat, do' maré peruan muyuh kuandeh, iamo' kudeng ideh na do' niat, nima' peruan muyuh ineh muli' amé' nemuyuh.

MARKUS 16:14

Muci ratnan ineh Yésus nesilagan kuan pulu' aceh anak sekola'Neh, kareb uneddeh kuman, idi Ieh nengayud nedeh ngaceku ideh na manu idi metueh niat, id teh ngaceku ideh na manu ku bala lemulun luk pangeh nenier Neneh muci ratnan Ieh tumui.

LUKAS 10:5

Kareb muyuh semuet bang ruma' iapeh-iapeh pana', do' muyuh pebala atun, ‘Samal kuan ruma' ini.’

YAHYA 14:27

“Ui necan awang kuan muyuh, idi Ui maré awangKu sebuleng kuan muyuh. Ui na maré ineh kuan muyuh maya' lawé tana' ini. Aleg muyuh megagau niat idi aleg matot.

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

YAHYA 20:26

Pangeh seminggu, idi anak-anak sekola' Yésus nepamung bang ruma' teh, idi Tomas pana' idi dengandeh. Kareb tanga' ruma' ineh initek, idi Yésus nacing netuped arangdeh idi nepebala, “Awang kuan muyuh!”

KEKAMEN RASUL-RASUL 1:3

Ruked apat ngepulu' aco pangeh atéNeh Yésus nesilagan nedeh tuda'-tuda' kua; pad ngegala' kuandeh ratnan Ieh mulun. Ieh sinierdeh, idi nepebala nedeh ratnan Imet Allah.

1 KORINTUS 15:5

idi Ieh pangeh nesilagan kuan Pétrus, idi muci kuan pulu' dueh burur rasul ineh.

1 KORINTUS 15:7

Idi Ieh nesilagan kuan Yakub, idi muci teh kuan amung-amung rasul.

2 TESALONIKA 3:16

Do' Tuhan sebuleng luk lawa amung-amung awang megéi' maré awang kuan muyuh bang luk amung-amung. Idi do' Tuhan ngedengan amung-amung muyuh.

BALA LUK LINIO 1:4

Rat ni Yahya kuan tudu' sidang luk déi' Asia: Do' katu idi awang temurun kuan muyuh ratnan Allah, Luk idi nekini, idi Luk pangeh idi atun, idi Luk miak macing teh, idi ratnan tudu' roh luk pa kiung kerusiNeh,