LUKAS 24:30 - BALA LUK DO'

³⁰ Idi Ieh tudo kuman pad-pad dengan didueh, idi Ieh nengalap ruti, idi nesembayang. Ieh nemuri' ruti ineh, idi Ieh nemaré kuan didueh ineh.

LUKAS 24:30 Iomraidhean Croise

MATIUS 14:19

Idi Ieh nengecuk lun mula' ineh tudo luun uduh; idi Ieh nengalap ruti luk limeh balad, idi dueh lawid ineh, idi Ieh netengook déi' langit, idi nesembayang. Idi Ieh nemuri'-muri' ruti ineh, idi nemaré ineh kuan anak-anak sekola'Neh, idi ideh nenganid ineh kuan lun mula'.

MATIUS 15:36

Idi Ieh nengalap ruti luk tudu' balad idi lawid ineh, idi Ieh nemaré ubur kuan Allah idi nemuri'-muri' neneh, idi nemaré kuan anak-anak sekola' ineh, idi ideh nenganid kuan lun mula' ineh.

MATIUS 26:26

Laba' ideh kuman, Yésus nengalap ruti idi nesembayang, idi nemuri' neneh, idi Ieh nemaré kuan anak-anak sekola'Neh, kebalaNeh, “Ngalap idi kuman' ini bururKu.”

MARKUS 14:22

Idi uned ideh kuman, Yésus nengalap ruti idi Ieh nesembayang maré ubur, idi nemuri'-muri' ruti ineh, idi nemaré ineh kuan anak sekola'Neh, kebalaNeh, “Lapen muyuh ini idi kuman, ini bururKu.”

MARKUS 6:41

Yésus nengalap ruti luk limeh balad idi dueh lawid ineh, idi Ieh netengook déi' langit idi nesembayang. Ieh nemuri'-muri' ruti ineh, idi nemaré kuan anak-anak sekola'Neh. Idi ideh nengerareng ineh pa kiung lun mula'. Kudeng ineh teh dueh lawid ineh bibpat kuan lun mula'.

MARKUS 8:6

Idi Ieh nengecuk lun mula' ineh tudo luun tana', idi Ieh nengalap ruti luk tudu' balad ineh, idi Ieh nemaré ubur kuan Allah, idi nemuri'-muri' ruti ineh idi nemaré kuan anak-anak sekola'Neh. Idi ideh nenganid kuan lun mula'.

LUKAS 22:19

Idi Yésus nengalap ruti, idi nemaré ubur, idi nemuri' neneh, idi nemaré neneh kuandeh, keburi'Neh, “Ini bururKu luk biré ngaceku muyuh; nganau' kudeng ini mangun ku sebuleng terawé rat Negku.”

LUKAS 24:29

Iamo' didueh ineh sikal ngimet Neneh, keburi' didueh, “Do' Iko tudo dengan kai dueh, ngaceku aco pangeh malem idi aco pangeh macep.” Idi Ieh pana' numak pad-pad dengan didueh.

LUKAS 24:35

Idi didueh ineh pana' nemada' ratnan amung-amung luk pangeh nangun kareb didueh tangal dalan, idi kudeng apeh Yésus initi didueh kareb Ieh nemuri' ruti ineh.

LUKAS 9:16

Yésus nengalap ruti luk limeh balad, idi lawid luk dueh ineh, idi Ieh netengook déi' langit nesembayang. Pangeh ineh Ieh nemuri' ruti idi lawid ineh, idi nemaré kuan anak-anak sekola'Neh. Idi ideh nenganid ineh kuan lun mula'.

YAHYA 6:11

Yésus nengalap ruti ineh, idi nemaré ubur nan Allah, idi Ieh nemabpat ineh kuan lun mula' luk tudo ineh. Kudeng ineh teh lawid ineh pana' bibpatNeh. Idi amungdeh nekuman dengan petap.

KEKAMEN RASUL-RASUL 2:42

Idi ideh pana' lutep ninger bada' rasul-rasul idi ideh perurum seburur dengan seburur, pamung kuman, idi sembayang teh.

KEKAMEN RASUL-RASUL 2:46

Anid-anid aco ideh tebubpun bang Ruma' Allah, idi pamung kuman bang ruma'deh sebuleng, dengan awang idi mebeneh niat.

KEKAMEN RASUL-RASUL 27:35

Kareb Paulus pangeh nemala kudeng ini, idi ieh nengalap ruti idi ieh nesembayang inan Allah pa kiung amung-amungdeh. Idi ieh nemuri' ruti ineh idi ieh nengimun kuman.