LUKAS 24:29 - BALA LUK DO'

²⁹ Iamo' didueh ineh sikal ngimet Neneh, keburi' didueh, “Do' Iko tudo dengan kai dueh, ngaceku aco pangeh malem idi aco pangeh macep.” Idi Ieh pana' numak pad-pad dengan didueh.

LUKAS 24:29 Iomraidhean Croise

PUDUT 19:3

Iamo' ieh mesaad nguit nedidueh, pad didueh maya' neneh idi numak bang ruma'neh. Idi ieh nenganau' irau kuan didueh dengan ruti luk na lamud. Idi ideh nekuman.

RACA'-RACA' LUK KEDUEH 4:8

Idi bang seaco Elisa iné' bawang Sunam, su luk inan seburur decur lun do' luk nengubuk neneh umak kuman. Anid-anid ieh lemaba, ieh umak neneh idi kuman.

LUKAS 14:23

Idi kebala tuan ineh kuan demulunneh, ‘Remuat iko amé' inan dalan-dalan ratis idi su luk mapet, idi ngubuk lemulun semuet pad ruma'ku mepanu'.

LUKAS 24:28

Idi diteluh ineh iné' muneng ku bawang su luk ulek didueh, idi Yésus nesilaba.

LUKAS 24:30

Idi Ieh tudo kuman pad-pad dengan didueh, idi Ieh nengalap ruti, idi nesembayang. Ieh nemuri' ruti ineh, idi Ieh nemaré kuan didueh ineh.

KEKAMEN RASUL-RASUL 16:14

Idi inan aceh decur ngadanneh Lidia, seburur rat Tiatira luk masui kibung luk sia' merirem. Ieh sembayang inan Allah, idi Tuhan nengukab niatneh pad ieh nengerawé amung-amung bala luk bila Paulus ineh.