LUKAS 24:27 - BALA LUK DO'

²⁷ Idi Yésus nengelio kuan didueh ineh amung-amung luk bila ratnan bururNeh sebuleng bang amung-amung Surat Allah, ngimun ratnan surat Musa idi anun-anun luk inayud nabi-nabi.

LUKAS 24:27 Iomraidhean Croise

PUDUT 12:3

“Ui ngeperuan idé-idé luk ngeperuan namu. Iamo' Ui ngediman lemulun luk ngediman namu. Idi rat namu amung-amung pupu luk bang tana' ini miak ngalap peruan.”

PUDUT 22:18

idi ratnan inulmu amung-amung pupu luk bang tana' ini miak ngalap peruan, ngaceku iko nemaya' balaKu.”

PUDUT 26:4

Idi Ui sikal ngula' inulmu mepad kudeng gituen déi' langit, idi Ui maré amung tana' ini kuan inulmu ineh. Idi amung-amung pupu bang tana' ini miak ngalap peruan ratnan inulmu:

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

NANI UBUR 132:11

Iko nenganau' aceh bulung kuan Daud, idi na sikal ngelubed neneh: “Ui nganau' sebuleng anakmu ku raca', idi Ieh miak ngimet ku libalmu.

YESAYA 1:23

Lun rayeh muyuh sikal metueh idi perurum nelun mano. Ideh megéi' ngalap baré idi suap. Iamo' na ideh ngedengan anak maté idi decur tinula' bang besara'deh.

YESAYA 50:6

Ui nenima' lun mebal ketedKu. Ui na nemebpeng nedeh kareb ideh nengedat Negku, kareb ideh nemubput buluh tangKu, idi ngelica' kiungKu.

YESAYA 7:14

Tuhan sebuleng miak maré aceh tanu' namu. Inan seburur anak adi' decur luk mali'. Ieh miak nenganak aceh anak deléi idi ieh nganau' ngadanNeh ‘Immanuél.’

YESAYA 8:17

Tuhan nesigapung ratnan pupuNeh, iamo' ui manu idi merapet Neneh.

YESAYA 9:1

Idi na luk idi dalan mepuit ratnan kareb luk mesusa' ineh. Bawang pupu Sebulon idi Naptali inigu' atun, iamo' muci babpat ineh miak buren, rat Abpa' Rayeh pa busat aco macing bawang luk dipar Abpa' Yarden, idi Galilia pana', su luk inan pupu baken tudo.

YEHISKIEL 34:23

Ui maré kuandeh demulunKu Daud ku Lun Matar nedeh, idi Ieh miak ngasa' nedeh.

YEHISKIEL 37:25

Ideh miak tudo bang bawang luk biréKu kuan demulunKu Yakub, ieh ineh bawang tepundeh. Ideh tudo su ineh dengan anakdeh idi inuldeh ruked-ruked. DemulunKu Daud miak ngimet nedeh ruked-ruked.

DANIEL 7:13

Bang luk sinierku kareb medacem ineh, idi ui nenier luk kudeng ayu lemulun. Idi Ieh amé'-amé' muneng bang laput, idi Ieh iné' matun Neneh luk mulun ruked-ruked, idi Ieh kinuyut amé' pa kiungNeh.

MIKA 5:6

Idi ku pelapetdeh ideh ngelaya' bawang Asur. Ideh luk muit netau rat nelun Asur, kareb ideh ngerieng bawang tau.

MIKA 7:20

Iko miak ngegala' idi Iko lutep maya' jani'Mu idi lutep bang awaMu kuan pupuMu Israil luk inul Ibrahim, maya' kudeng luk pijani'Mu kuan tepun kai bang kareb luk mon.

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

MALAKI 4:2

Iamo' kuan muyuh luk na maya' Negku, Ui miak maré laludKu luk ngulun, merasat luun muyuh mepad kudeng aco, pad ngedo' nemuyuh. Muyuh miak mepuit idi mawang niat, mepad kudeng anak sapi' luk rinuat rat bang libungdeh.

IAP 21:14

Ini punneh pangeh bida' bang Surat Bunu' Tuhan, ratnan “Waheb déi' Supa idi Abpa' Arnon

MARKUS 4:34

Idi na Ieh nepebala nedeh dengan na luk pinginud; iamo' kareb Ieh sebuleng dengan anak-anak sekola'Neh, idi Ieh nemaré kali' ilung amung-amung bala ineh kuandeh.

LUKAS 24:25

Idi Yésus nepebala nedidueh, “O lemulun luk mebacé. Muyuh mulai maya' amung-amung bala nabi-nabi ineh!

LUKAS 24:44

Idi Ieh nepebala kuandeh, “Ini balaKu luk pangeh bilaKu kuan muyuh kareb Ui idi dengan muyuh atun, idi na miak na uen ngacing amung-amung luk pangeh inayud ratnan bururKu rat bang Ukum Musa, surat nabi-nabi, idi Nani Ubur ineh teh.”

YAHYA 1:45

Pilipus nenakap Nataniel, idi nepebala neneh, “Kai pangeh nepapu' Yésus, luk pangeh ginala' Musa bang Surat Ukum idi nabi-nabi pana', ieh ineh Yésus, anak Yusup lun Nasarét.”

YAHYA 12:41

Yésaya nepebala kudeng ini ngaceku ieh pangeh nenier rayeh Yésus idi nepebala ratnan Ieh.

YAHYA 5:37

Idi Taman ineh luk nengecuk Negku pangeh nemaré kali' ratnan Ui. Muyuh nateh neninger uni tangNeh idi nenier kiungNeh,

YAHYA 5:39

Muyuh ngelio Surat Allah, ngaceku bang terawé muyuh bang ineh muyuh miak ngalap ulun luk meruked. Idi Surat ineh teh maré kali' ratnan Ui.

KEKAMEN RASUL-RASUL 10:43

Idi rat neneh ineh amung-amung nabi nemaré kali', idi idé-idé luk manu Neneh kali' rungen ngalap do' ratnan sala' ngaceku ngadanNeh.”

KEKAMEN RASUL-RASUL 3:18

Atun Allah nemada' dengan dila' nabi-nabi ratnan KeristusNeh uen ngedereh. Idi nekini bala ineh pangeh icingNeh.

KEKAMEN RASUL-RASUL 3:22

Musa pangeh nepebala, ‘Allah Tuhan muyuh sikal ngikit aceh Nabi kuan muyuh rat arang pupu muyuh, mepad kudeng ui. Do' muyuh ninger amung-amung luk belénNeh.

KEKAMEN RASUL-RASUL 3:24

Idi amung-amung nabi luk nepebala, ngimun ratnan Semuil idi nabi-nabi luk muci, pangeh nemada' ratnan kareb ini.

KEKAMEN RASUL-RASUL 7:37

Idi Musa ineh luk nepebala nelun pupu Israil, ‘Allah sikal maré kuan muyuh aceh Nabi rat arang pupu muyuh sebuleng mepad kudeng ui ini teh.’

KEKAMEN RASUL-RASUL 8:35

Idi Pilipus nengelio ayat-ayat ineh, idi nemada' neneh Bala luk Do' ratnan Yésus.

BADA' RATNAN UKUM 1:45

Idi muyuh nelemubed idi nenangi' pa kiung Tuhan. Iamo' na Ieh neninger arod muyuh.

BADA' RATNAN UKUM 18:15

Ngaceku ineh Ieh maré kuan muyuh aceh Nabi rat arang uned kinanak-kinanak muyuh luk mepad kudeng ui ini, idi do' muyuh ninger Neneh.

BALA LUK LINIO 19:10

Ui netekeradung sembayang neneh, iamo' kebalaneh negku, “Aleg nganau' kudeng ineh! Ui pana' demulun teh mepad kudeng iko, idi mepad kudeng amung-amung kinanakmu luk ngimet luk nekali' Yésus. Do' sembayang inan Allah.” Ngaceku bada' luk matu luk ginala' Yésus, ieh ineh luk ngegio niat nabi-nabi.