LUKAS 24:19 - BALA LUK DO'

¹⁹ Idi kebala Yésus nedidueh, “Ratnan anunké ineh?” Idi keburi' didueh Neneh, “Ratnan Yésus lun Nasarét, ieh ineh seburur Nabi luk melalud bang kekamenNeh idi balaNeh pa kiung Allah idi lun mula' pana'.

LUKAS 24:19 Iomraidhean Croise

MATIUS 21:11

Idi lun mula' nepebala, “Ieh ineh seburur nabi, Yésus lun Nasarét, luk bang bawang Galilia.”

MARKUS 1:24

keburi'neh, “O Yésus lun Nasarét, anunké luk pianMu nekai? Iko macing sikal ngaté nekaiké? Ui kali' Namu ini, ieh ineh Lemulun luk Meligan luk nacing ratnan Allah.”

LUKAS 24:18

Idi sebuleng didueh luk ngadanneh Kliopas, nepebala Neneh, “Iko sebuleng mo' luk tudo déi' Yerusalim, luk nateh nekali' ratnan amung-amung luk pangeh nangun déi' bang kareb iniké?

LUKAS 7:16

Idi lun mula' ineh pelaba tot idi nengerayeh Allah, keburi'deh, “Aceh nabi luk rayeh pangeh nacing arang tau,” idi “Allah pangeh nengikak pupuNeh.”

YAHYA 3:2

Ieh iné' papu' Yésus kareb malem, idi nepebala Neneh, “O Guru, kai kali' Iko ini Guru luk nacing ratnan Allah. Ngaceku na luk idi seburur pana' miak nganau' amung tanu', mepad kudeng luk ianu'Mu, kudeng na Allah idi denganneh.”

YAHYA 4:19

Kebala decur ineh, “O Tuan, ui kali' Iko seburur nabi.

YAHYA 6:14

Kareb lun mula' pangeh nenier tanu' luk inau' Yésus, idi keburi'deh, “Matu Ieh ini nabi luk macing bang tana' ini.”

YAHYA 7:52

Idi kebaladeh, “Iko rat Galilia teh? Ngelio bang Surat Allah! Inanké nabi luk macing rat Galilia?”

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 2:22

“O lun Israil, ninge muyuh bala ini: Yésus lun Nasarét ineh pangeh imo Allah. Amung ini ginala'Neh kuan muyuh dengan kekamen luk melalud, kekamen luk nan mawa, idi tanu'-tanu' pana' luk inau' Allah dengan ticu' Yésus arang muyuh. Muyuh sebuleng kali' amung ineh.

KEKAMEN RASUL-RASUL 7:22

Idi Musa pangeh bida' bang amung ileh lun Masir, pad ieh mebala tu-tu ngaceku balaneh idi kekamenneh.

BADA' RATNAN UKUM 18:15

Ngaceku ineh Ieh maré kuan muyuh aceh Nabi rat arang uned kinanak-kinanak muyuh luk mepad kudeng ui ini, idi do' muyuh ninger Neneh.