LUKAS 24:11 - BALA LUK DO'

¹¹ Iamo' rasul-rasul ngerawé bala decur ineh mebalih, idi na ideh manu ku baladeh.

LUKAS 24:11 Iomraidhean Croise

PUDUT 19:14

Idi Lut iné' mada' deléi luk sikal ngaweh anak decurneh, kebalaneh, “Miket remuat rat bang bawang ini, ngaceku Tuhan sikal ngusag neneh.” Iamo' didueh ngerawé Lut marot nedidueh.

RACA'-RACA' LUK KEDUEH 7:2

Iamo' kebala lun tareh luk megéi' maya' raca' ni Elisa, “Kudeng Tuhan nganau' bubpu' langit pana', luk kudeng ineh na miak mangun.” Idi kebala Elisa, “Iko miak nier ku matehmu sebuleng. Iamo' na iko miak kuman ratnan ineh.”

AYUB 9:16

Sagan tu pana' Ieh nima' negku pebala, na ui merapet Neneh ninger balaku.

NANI UBUR 126:1

Kareb Tuhan nenguit netau lemubed iné' Sion, tau mepad kudeng nenginupi!

MARKUS 16:11

Kareb ideh neninger bala Mariam ratnan Yésus mulun, idi ratnan Ieh pangeh sinierneh, idi na ideh manu.

MARKUS 16:13

Idi didueh nemaré kali' kuan anak sekola' luk baken teh; iamo' ideh na manu.

MARKUS 16:14

Muci ratnan ineh Yésus nesilagan kuan pulu' aceh anak sekola'Neh, kareb uneddeh kuman, idi Ieh nengayud nedeh ngaceku ideh na manu idi metueh niat, id teh ngaceku ideh na manu ku bala lemulun luk pangeh nenier Neneh muci ratnan Ieh tumui.

LUKAS 24:25

Idi Yésus nepebala nedidueh, “O lemulun luk mebacé. Muyuh mulai maya' amung-amung bala nabi-nabi ineh!

LUKAS 24:41

Idi kareb ideh na manu ngaceku mawang niat idi mawa, idi Ieh nengitun nedeh, “Inanké luk kenen muyuh ieni?”

KEKAMEN RASUL-RASUL 12:9

Pétrus nemaya' neneh remuat rat bang tutup, iamo' na ieh kali' luk inau' melaikat ineh matu; ngaceku bang terawéneh ieh ineh aceh luk sinierneh mo'.