LUKAS 23:9 - BALA LUK DO'

⁹ Idi Herodés nengitun Yésus tuda'-tuda' itun, iamo' Yésus na nengor sebila' bala pana'.

LUKAS 23:9 Iomraidhean Croise

NANI UBUR 39:9

Ui miak ungeng, idi na pebala anun-anun, ngaceku ini tau'Mu negku.

YESAYA 53:7

“Ieh pidereh, iamo' Ieh mebeneh niat, idi ungeng mo'. Mepad kudeng anak dumba luk kereten, idi dumba luk uen muting buluhneh na Ieh muni.

MATIUS 27:12

Idi kareb Yésus inadu' imam-imam rayeh idi lun rayeh-rayeh teh, idi Ieh nungeng.

MATIUS 27:14

Iamo' Yésus na nengor sebila' bala pana', pad Lun luk Ngimet Bawang ineh mawa tu.

MATIUS 7:6

“Aleg maré luk meligan kuan uko'-uko', idi aleg mepet bau mutiara muyuh pa kiung barek, pad ideh na ngeradu' neneh pa liang kukuddeh, idi lemubed amé' musing nemuyuh.

MARKUS 15:5

Iamo' sebila' bala pana' nateh bila Yésus, pad Pilatus mawa.

LUKAS 13:32

Idi kebala Yésus nedeh, “Amé' muyuh mala kuan bungalé ineh, ‘Ui nala' ada', idi ngedo' lemulun bang aco sini idi nebpa, idi aco luk keteluh Ui miak mangeh kekamenKu.’

LUKAS 23:10

Imam-imam rayeh, idi guru-guru Ukum ineh iné' muneng idi nengadu' Yésus dengan tuda'-tuda' adu' luk meberat.

YAHYA 19:9

Ieh nesemuet bang ruma' Lun luk Ngimet Ukum ineh sekua' teh, idi nepebala inan Yésus, “Rat iapehké iratMu?” Iamo' Yésus na nengor balaneh.

KEKAMEN RASUL-RASUL 8:32

Idi ini ayat-ayat luk bica'neh bang Surat Allah ineh: “Ieh pangeh inuit kudeng aceh dumba luk kereten idi kudeng aceh anak dumba luk mebegkeh pa kiung lun luk muting buluhneh; kudeng ineh teh na Ieh nengukab tangNeh.

1 PETRUS 2:23

Kareb Ieh pidat na Ieh nengua' dengan dat, idi kareb Ieh pidereh na Ieh nengatot nedeh, iamo' Ieh nemaré bururNeh kuan Allah luk ngukum dengan matu.