LUKAS 23:5 - BALA LUK DO'

⁵ Idi meluun tueh lun mula' mesaad, keburi'deh, “Ieh ngagau pupu ini idi mada' lemulun libut-libut tana' Yudia rat Galilia macing su ini.”

LUKAS 23:5 Iomraidhean Croise

NANI UBUR 22:16

Lemulun luk dat ngelibut negku. Ideh ngerieng negku mepad kudeng uko'. Ideh ngatep ticu' idi kukudku.

NANI UBUR 57:4

Ui ini arang balang, idi arangdeh luk kuman lemulun. Lipendeh mepad kudeng gaman, idi dila'deh mepad kudeng pelapet luk metadem.

NANI UBUR 69:4

Lemulun luk megateh negku dengan na punneh, meluun ula' ratnan abpukku; idi bunu'ku ngadu' negku dengan mebalih; ideh metueh idi sikal ngaté negku. Ideh ngesaad negku maré binaweh luk na pinoku.

MATIUS 11:1

Kareb Yésus pangeh neperiteteng inan pulu' dueh anak sekola'Neh, idi Ieh nenalan rat déi' sikal mada' idi nated Bala luk Do' bang bawang-bawang luk muneng.

MATIUS 2:1

Yésus tinganak déi' Baitlahim bang bawang Yudia, kareb imet Raca' Herodés, idi tuda'-tuda' lun luk mileh nier gituen nacing rat pa busat aco iné' Yerusalim,

MATIUS 27:24

Kareb Pilatus nekali' balaneh na ulek, iamo' mangun meluun mula' ria', idi ieh nengalap abpa' idi nemaru' paladneh pa kiung lun mula' ineh, kebalaneh, “Ui meligan ratnan dara' lemulun luk matu ini! Muyuh sebuleng mabeh dara'Neh.”

MATIUS 4:23

Yésus nenalan aput tana' Galilia, idi nemada' bang ruma' sembayangdeh, idi Ieh nemada' Bala luk Do' ratnan Imet ineh, idi Ieh nengedo' amung-amung lun luk mét, idi melaya' burur.

MARKUS 1:14

Kareb Yahya ineh pangeh kikem, idi Yésus nacing déi' Galilia mada' Bala luk Do' ratnan Allah.

LUKAS 11:53

Kareb Yésus neremuat rat déi', idi guru-guru Ukum idi lun Parisi ineh pana', nengimun ngedat Neneh, idi nengitun Neneh ratnan tuda'-tuda' itun,

LUKAS 23:23

Iamo' ideh pelaba saad ngitang mutuh Neneh ruen nalib. Idi piandeh luk binaya' peh.

LUKAS 23:6

Kareb Pilatus neninger ratnan ineh, idi ieh nengitun kudeng lemulun ini lun Galilia.

YAHYA 1:43

Kenebpa Yésus sikal amé' déi' Galilia. Ieh nenakap ni Pilipus, idi nepebala neneh, “Maya' Negku.” (

YAHYA 19:15

Iamo' ideh nengitang, keburi'deh, “Ngaté Neneh! Ngaté Neneh! Nalib Neneh!” Idi keburi' Pilatus nedeh, “Do'ké ui nalib Raca' muyuh?” Idi imam-imam rayeh nengor balaneh, keburi'deh, “Na luk idi raca' kai luk baken ratnan raca' Rum.”

YAHYA 2:11

Yésus nenganau' tanu' luk melalud luk pun-pun ini déi' Kana luk bang bawang Galilia; idi Ieh nengegala' rayehNeh déi', pad anak-anak sekola'Neh pana' manu Neneh.

YAHYA 7:41

Lun baken nepebala, “Ieh ini Keristus.” Inan teh lun baken nepebala, “Keristus na miak macing rat Galilia!

YAHYA 7:52

Idi kebaladeh, “Iko rat Galilia teh? Ngelio bang Surat Allah! Inanké nabi luk macing rat Galilia?”

KEKAMEN RASUL-RASUL 10:37

Idi teh muyuh kali' luk nangun aput bawang Yudia, ngimun rat Galilia, ieh ineh pangeh rereb luk bida' Yahya ineh.

KEKAMEN RASUL-RASUL 23:10

Kedaluh ineh iuk amé' dat, pad lun rayeh baweh ineh matot kudeng Paulus uendeh ngerarak. Idi ieh nengecuk nelun pebunu' ineh nguit ni Paulus remuat rat arangdeh, pad ieh semuet bang libung lun pebunu'.

KEKAMEN RASUL-RASUL 5:33

Kareb lun rayeh tebubpun besara' neninger bala ini, idi ideh megateh niat pad ideh sikal ngaté rasul-rasul ineh.

KEKAMEN RASUL-RASUL 7:54

Kareb tebubpun besara' lun Yahudi neninger bala Stepanus, idi ideh megateh niat, idi ideh netegelitem neneh.

KEKAMEN RASUL-RASUL 7:57

Iamo' ideh nengitang, idi nengang laliddeh, idi ideh peranga' nedupeh neneh.