LUKAS 23:49 - BALA LUK DO'

⁴⁹ Idi amung-amung lun denganNeh idi decur luk pangeh nemaya' Yésus rat Galilia netuped nier amung ideh rat mado.

LUKAS 23:49 Iomraidhean Croise

AYUB 19:13

Allah nematad kinanakku rat negku; ui mangun ku pupu baken kuan lun luk pekalai negku;

NANI UBUR 142:4

Ui nier libutku na lemulun luk miak ngedengan negku; seburur pana' nateh luk matar idi méi' negku.

NANI UBUR 38:11

Lun rurumku idi lun denganku na pian muneng negku, ngaceku uratku; idi lun bang ruma'ku pana' tudo mado rat negku.

NANI UBUR 88:18

Iko nenganau' amung lun rurumku luk do' mado rat negku; dacem mo' luk mangun ku rurumku.

MATIUS 27:61

Idi déi' Mariam Magdalina idi Mariam luk baken ineh teh, netudo muneng ku tanem.

MARKUS 15:47

Mariam Magdalina idi Mariam tinan Yusup ineh pana' nenier su luk inandeh nengerareng Yésus ineh.

LUKAS 23:27

Idi pelaba ula' lemulun nemaya' Neneh. Idi inan teh tuda'-tuda' decur luk netemido idi nangi' Neneh.

LUKAS 23:55

Idi decur-decur luk nemaya' Yésus rat Galilia, nemaya' ni Yusup idi nenier tanem ineh idi kudeng apeh butung Yésus rireng bang ineh.

LUKAS 8:2

Idi teh inan tuda'-tuda' decur luk pangeh dino'Neh ratnan ada', luk nemaya' Neneh, ieh ineh Mariam (luk titen Magdalina), luk pangeh pinuit ratnan tudu' ada',