LUKAS 23:4 - BALA LUK DO'

⁴ Idi kebala Pilatus kuan imam-imam rayeh idi lun mula' ineh teh, “Ui kali' lemulun ini na sala' anun-anun pana'!”

LUKAS 23:4 Iomraidhean Croise

MATIUS 27:19

Laba' Pilatus tudo bang ruma' besara', awanneh nengecuk mada' neneh, keburi'neh, “Aleg iko nganau' anun-anun pana' kuan lemulun luk matu ini; ngaceku aco sini pelaba susa' niatku ku nupiku Neneh.”

MARKUS 15:14

Idi Pilatus nepebala kuandeh, “Ngudeh, sala' anunké luk pangeh inau'Neh?” Idi meluun metueh ideh nengitang, “Nalib Neneh!”

LUKAS 23:22

Idi keteluh kua' Pilatus nengitun nedeh, “Dat anunké luk inau'Neh? Ui na kali' sebuleng sala'Neh pana', pad Ieh ngalap ukum maté. Ui miak ngecuk nelun mebal Neneh idi muit Neneh.”

YAHYA 18:38

Idi keburi' Pilatus Neneh, “Anunké luk matu ineh?” Idi Pilatus neremuat iné' nelun Yahudi, idi keburi'neh nedeh, “Ui na kali' anun punneh ui ngukum Neneh.

KEKAMEN RASUL-RASUL 25:25

Iamo' na ui kali' sebuleng sala'neh luk petulu dengan ukum maté. Idi ngaceku ieh sebuleng nemutuh tetunin raca' Rum, idi ui nengamo nima' neneh amé'.

KEKAMEN RASUL-RASUL 3:13

Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

1 PETRUS 1:19

iamo' dengan dara' luk meligan, luk mepad kudeng dara' anak dumba luk na melutak idi na mesala', ieh ineh dara' Keristus.

1 PETRUS 2:22

Ieh na nenganau' sala'. Seburur lemulun pana' na neninger balih remuat rat bang tangNeh.

1 PETRUS 3:18

Ngaceku Keristus pana' pangeh nengalap dereh maté ngaceku sala' lemulun, ieh ineh Lemulun luk Matu ngaceku lemulun luk na matu, pad Ieh nguit netau amé' matun Allah; sagan pana' bururNeh pinaté, iamo' mulun bang roh;