LUKAS 23:35 - BALA LUK DO'

³⁵ Lun mula' ineh netuped nier. Iamo' lun rayeh lun Yahudi nesitunga Neneh, keburi'deh, “Ieh pangeh nengulun lun baken, nekini nima' Neneh ngulun bururNeh sebuleng, kudeng matu Ieh Keristus Allah luk pinili'.”

LUKAS 23:35 Iomraidhean Croise

NANI UBUR 22:17

Amung-amung tulangku melagan. Bunu'ku nutong negku.

NANI UBUR 35:15

Kareb ui inan susa', ideh mawang niat, idi pamung iringku idi situnga negku; lemulun luk na mitiku nemebal negku, idi nemepag negku dengan na ugka'.

NANI UBUR 4:2

O lun muyuh, tuda' io muyuh nguyo negku? Tuda' io muyuh geregan ku luk na ulek, idi nakap luk mebalih.

NANI UBUR 69:26

Ideh ngedereh lemulun luk inukumMu; idi situnga ratnan dereh lemulun luk inuratMu.

NANI UBUR 71:11

Keburi'deh, “Allah pangeh nenecan neneh; do' tau ngerada' neneh idi ngakem neneh, seburur pana' nateh luk miak muit neneh!”

YESAYA 42:1

Kebala Tuhan, “Ini DemulunKu luk uenKu ngetueh — Lun luk pinili'Ku luk inanKu mawang niat. Ui nemanu' Neneh ku laludKu; Ieh ngacing luk mesiri kuan amung pupu.

YESAYA 49:7

Kebala Allah Israil luk Meligan idi Lun Nengulun, kuan Lemulun luk dinat idi luk inan amung pupu megateh, ieh ineh Demulun amung raca'. “Raca'-raca' miak nier Namu puatin, pad ideh tumui idi ngedita' Namu. Anak-anak raca' pana' miak nier ineh, idi tekeradung pad ngerayeh Namu.” Amung ini miak mangun ngaceku Tuhan Allah Israil luk Meligan, pangeh nemili' DemulunNeh idi maya' jani'Neh.

YESAYA 53:3

Tau megateh Neneh idi na pian Neneh Ieh mesusa' idi medereh. Seburur pana' nateh luk pian nier Neneh. Tau nengarung Neneh mepad kudeng lemulun luk na ulek.

TIDO YEREMIA 3:14

Lemulun meriruh negku tebaco-tebaco. Ui ini luk inan uang tana' ini situnga.

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

MATIUS 12:18

“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

LUKAS 16:14

Kareb lun Parisi neninger amung bala luk kudeng ineh, idi ideh nesitunga nan Yésus, ngaceku ideh melili ku usin.

LUKAS 23:13

Pilatus nenawar imam-imam rayeh idi lun rayeh-rayeh idi lun mula' nepamung,

LUKAS 23:39

Idi seburur ratnan lemulun luk dat luk tekito denganNeh ineh nenguyo Neneh, “Bakenké Iko ini Keristus? Ngulun bururMu sebuleng idi kai pana'!”

1 PETRUS 2:4

Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga.