LUKAS 23:25 - BALA LUK DO'

²⁵ Ieh nemuit lemulun luk tinutup ngaceku ieh nenganau' mula' ria' idi ngaté lemulun, maya' kudeng luk pinutuhdeh, iamo' Yésus biréneh maya' luk pian niatdeh.

LUKAS 23:25 Iomraidhean Croise

ESTER 3:11

Kebala raca' neneh, “Pupu ineh idi usindeh iko kuan; do' maya' luk pianmu.”

MATIUS 27:26

Idi Pilatus nemuit Barabas kuandeh iamo' ieh nemebal Yésus idi nemaré Neneh nedeh, pad Ieh uen nalib.

MARKUS 15:15

Idi ngaceku Pilatus sikal ngawang niat lun mula' ineh, ieh nemuit Barabas kuandeh. Idi ieh nengecuk nedeh mebal Yésus idi nemaré Neneh uendeh nalib.

LUKAS 23:2

idi amung-amungdeh nengimun ngadu' Neneh, keburi'deh, “Kai nekali' lemulun ini nengeraruh pupu kai, idi nemebpeng lemulun na maré acam kuan raca' Rum, idi nemala bururNeh Keristus, seburur raca'.”

LUKAS 23:24

Pilatus nemaré ukum maté kuan Yésus maya' putuhdeh ineh.

LUKAS 23:26

Ideh nenguit Yésus nalan. Idi kareb ideh nalan, ideh nepapu' seburur lun Kiréni, ngadanneh Simun, luk nacing rat mado. Ideh nengakem neneh, idi nengerareng salib luun tudungneh, pad ieh maan ineh maya' puet Yésus.

LUKAS 23:5

Idi meluun tueh lun mula' mesaad, keburi'deh, “Ieh ngagau pupu ini idi mada' lemulun libut-libut tana' Yudia rat Galilia macing su ini.”

YAHYA 18:40

Idi ideh nengitang, keburi' deh, “Baken Ieh, iamo' Barabas!” (Barabas ineh seburur lun mano.)

YAHYA 19:16

Idi Piltus nemaré Yésus nedeh, pad Ieh uen nalib. Idi ideh nenguti Yésus.

KEKAMEN RASUL-RASUL 3:14

Yésus ineh meligan idi matu. Iamo' muyuh nenala' Neneh idi nemutuh selemulun luk munu' puatin ku libalNeh.

SEMUIL LUK PUN-PUN 12:13

“Idi nekini, nier muyuh raca' luk pangeh pinili' muyuh, idi luk pangeh pinutuh muyuh. Tuhan pangeh nengikit seburur raca' kuan muyuh.