LUKAS 23:2 - BALA LUK DO'

² idi amung-amungdeh nengimun ngadu' Neneh, keburi'deh, “Kai nekali' lemulun ini nengeraruh pupu kai, idi nemebpeng lemulun na maré acam kuan raca' Rum, idi nemala bururNeh Keristus, seburur raca'.”

LUKAS 23:2 Iomraidhean Croise

RACA'-RACA' LUK PUN-PUN 18:17

Kareb Akab nenier ni Elia ineh, idi kebalaneh neneh, “Ikoké tungé', O iko luk ngacing susa' nelun Israil?”

NANI UBUR 35:11

Lun luk dat ngesala' idi ngadu' negku ratnan sala' luk na kali'ku.

NANI UBUR 62:4

Muyuh pian ngebeneh neneh ratnan kekamenneh luk buren; muyuh pian ku balih. Bala muyuh miak ngeperuan, iamo' bang niat muyuh ngediman neneh.

YEREMIA 20:10

Ui ninger lun mula' payek-payek. “Inan Luk Katot Iapeh-Iapeh.” Kebaladeh, “Do' tau ngadu' neneh!” Lun rurumku pana' pian ku ui mebpeh. Kebaladeh, “Miak ieh uen naluk lek. Do' tau ngakem neneh idi ngua' datneh.”

YEREMIA 38:4

Idi kebala lun rayeh ineh inan raca', “Lun ini na miak na pitayen. Dengan bala luk kudeng ineh Yeremia ngelaya' nelun pebunu'. Idi ieh nganau' luk kudeng ineh kuan amung lemulun luk ketecan bang bawang ini. Lemulun ini na ngedengan nelun mula'. Iamo' ieh ngedereh nedeh.”

AMOS 7:10

Amasia, imam Baitel nemada' ni Yerebom, raca' Israil, kebalaneh, “Amos pegayam nelun Israil, sikal metueh rat namu. Bada'neh ngusag bawang ini.

SEKARIA 11:8

Ui museh inan teluh burur lun luk matar dumba luk megateh negku, idi nengagka' nediteluh bang aceh bulan.

MATIUS 17:27

Iamo' pad tau na ngesabeng nedeh, amé' iko tangeb takung, idi ngeluit idi ngalap lawid luk pun-pun lupung; idi kareb iko ngukab tangneh, bang tangneh miak iko kali' sebalad pirak, ieh ineh aceh rigit. Lapenmu balad pirak ineh idi maré ineh ku pupukKu idi pupukmu pana'.”

MATIUS 22:21

Idi keburi'deh Neneh, “Ini raca' kuan.” Idi kebala Yésus nedeh, “Ngaceku ineh, do' muyuh maré kuan raca' anun-anun luk raca' kuan; idi kuan Allah anun-anun luk Allah kuan.”

MATIUS 27:11

Idi Yésus netuped pa kiung Lun luk Ngimet Bawan gineh; idi ieh nengitun Yésus, keburi'neh, “Ikoké Raca' lun Yahudi?” Idi keburi' Yesus neneh, “Mepad kudeng balamu.”

MARKUS 12:17

Idi Yésus nepebala nedeh, “Do' maré kuan raca' anun-anun luk raca' kuan, idi kuan Allah anun-anun luk Allah kuan.” Idi ideh mawa ku balaNeh.

MARKUS 15:2

Idi Pilatus nengitun Neneh, “Ikoké Raca' lun Yahudi?” Idi kebala Yésus, “Kudeng luk bilamu.”

LUKAS 23:14

keburi'neh nedeh, “Muyuh pangeh nenguit lemulun ini kuanku ayu-ayu Ieh kudeng selemulun luk ngeraruh pupu ini, idi ui pangeh nengelio Neneh pa kiung muyuh, iamo' sebuleng sala' pana' nateh nekali'ku inau'Neh maya' kudeng luk inadu' muyuh.

LUKAS 23:5

Idi meluun tueh lun mula' mesaad, keburi'deh, “Ieh ngagau pupu ini idi mada' lemulun libut-libut tana' Yudia rat Galilia macing su ini.”

YAHYA 18:29

Ngaceku ineh Pilatus iné' ngitun nedeh, keburi'neh, “Anunké adu' muyuh kuan lemulun ini?”

YAHYA 18:30

Idi kebaladeh, “Kudeng lemulun ini baken selemulun luk mesala', nateh kai nemaré Neneh kuan tuan.”

YAHYA 19:12

Kareb Pilatus neninger bala ineh, idi ieh nenakap dalan sikal muit Yésus. Iamo' lun Yahudi nengitang, keburi'deh, “Kudeng Tuan muit lemulun ini, baken Tuan lun dengan raca' Rum. Idé-idé luk ngamo bururneh raca', ieh luk sikal metueh ratnan raca' Rum.”

KEKAMEN RASUL-RASUL 24:13

Idi nateh lemulun ineh miak ngegala ratnan adu'deh negku nekini.

KEKAMEN RASUL-RASUL 24:5

Kai pangeh nekali' idi lun ini lemulun luk dat. Ieh nengimun ria' kuan lun Yahudi aput tana' ini, idi ieh mangun ku lun rayeh babpat Nasarét.

SURAT LUK BIRE PAULUS KUAN LUN RUM 13:7

Do' muyuh mayar baleh muyuh kuan lun luk ngimet ineh, ieh ineh pupuk binaweh muyuh, idi pupuk tana' pana'. Ngedita' idi ngerayeh amung-amungdeh.