LUKAS 22:70 - BALA LUK DO'

⁷⁰ Idi amungdeh nepebala, “Kudeng pieh kudeng ineh, Iko ini Anak Allahké?” Idi keburi'Neh kuandeh ineh, “Mepad kudeng bala muyuh sebuleng, Ui ini Ieh!”

LUKAS 22:70 Iomraidhean Croise

NANI UBUR 2:12

Ngebeneh burur muyuh pa kiungNeh; kudeng na, kali' rungen Ieh museh, idi muyuh maté, ngaceku Ieh malé useh. Samal kuan amung lemulun luk amé' sigapung Neneh.

NANI UBUR 2:7

Kebala raca', “Ui maré kali' luk bila Tuhan. Kebala Tuhan negku: ‘Iko anakKu. Aco sini Ui mangun ku TamanMu.

MATIUS 26:25

Idi keburi' Yudas luk nemasui Neneh, “Uiké ieh lek, O Guru?” Idi keburu' Yésus neneh, “Mepad kudeng luk bilamu.”

MATIUS 26:64

Kebala Yésus neneh, “Mepad kudeng luk bilamu. Iamo' Ui pebala nemuyuh, rat pad sini muyuh miak nier Anak-Lemulun tudo pa tinueh Luk Melalud, idi amé' luun iaput rat surga.”

MATIUS 27:11

Idi Yésus netuped pa kiung Lun luk Ngimet Bawan gineh; idi ieh nengitun Yésus, keburi'neh, “Ikoké Raca' lun Yahudi?” Idi keburi' Yesus neneh, “Mepad kudeng balamu.”

MATIUS 27:43

Ieh merapet inan Allah, do' Allah ngulun Neneh nekini, kudeng Ieh mawa Neneh; ngaceku keburi'Neh, ‘ui ini Anak Allah.’ ”

MATIUS 27:54

Idi kareb lun rayeh lun pebunu' idi lemulun luk tudo denganneh matar Yésus nekali' tana' meruyuh, dengan amung-amung luk pangeh mangun, ideh pelaba tot, idi keburi'deh, “Matu, Ieh Anak Allah.”

MATIUS 3:17

Idi inan aceh tang rat bang langit luk nepebala, “Ini AnakKu luk inanKu mawa, idi Ui mawang niat Neneh.”

MATIUS 4:3

Idi Iblis iné' Neneh, kebalaneh, “Kudeng matu Iko Anak Allah, do' Iko ngisu' batu-batu ini mangun ku ruti kenenMu.”

MARKUS 14:62

Idi kebala Yésus, “Ui ini Ieh, idi muyuh miak nier Anak-Lemulun tudo pa tinueh Luk Meluun Lalud, idi macing dengan laput luk rat déi' langit.”

MARKUS 15:2

Idi Pilatus nengitun Neneh, “Ikoké Raca' lun Yahudi?” Idi kebala Yésus, “Kudeng luk bilamu.”

LUKAS 22:71

Idi keburi'deh ineh, “Anunké ulekneh lun nekali' kuan tau teh, ngaceku tau pana' pangeh neninger ratnan balaNeh sebuleng?”

LUKAS 23:3

Idi Pilatus pana' nengitun Neneh, keburi'neh, “Ikoké Raca' lun Yahudi?” Idi Yésus nengor balaneh, keburi'Neh, “Mepad kudeng balamu.”

LUKAS 4:41

Idi ada'-ada' pana' neremuat ratnan lemulun luk mula' ineh idi nengitang, keburi'deh, “Iko ini Anak Allah.” Idi Yésus nemebpeng nedeh na pebala-pebala, ngaceku ada' ineh nekali' idi Ieh ineh Keristus.

YAHYA 1:34

Idi kebala Yahya, “Ui pangeh nenier ineh, idi maré kali' nemuyuh ratnan Ieh ini Anak Allah.”

YAHYA 1:49

Idi keburi' Nataniel Neneh, “O Guru, Iko Anak Allah! Iko luk Raca' lun pupu Israil!”

YAHYA 10:30

Ui idi Taman ineh Sebuleng.”

YAHYA 10:36

Miakké muyuh ini pebala Ui nguyo Allah, ngaceku Ui ngamo Ui ini Anak Allah? Ui ini luk pinili' idi icuk Allah amé' bang tana' ini.

YAHYA 18:37

Idi keburi' Pilatus Neneh, “Iko pana' seburur raca ké?” Idi kebala Yésus, “Matu kudeng buri'mu, Ui ini seburur raca' Ini punneh Ui pangeh tinganak, idi nacing bang tana' ini pad Ui maré kali' ratnan luk matu. Idé-idé luk geregan ku luk matu ineh, ieh luk ninger balaKu.”

YAHYA 19:7

Idi lun Yahudi nengor balaneh, keburi'deh, “Maya' Ukum kai do' Ieh mate, ngaceku Ieh nemala bururNeh Anak Allah.”