LUKAS 22:52 - BALA LUK DO'

⁵² Idi kebala Yésus kuan imam-imam rayeh idi lun rayeh Ruma' Allah idi amung-amung lun rayeh luk nacing Neneh, “Petuluké muyuh macing dengan pelapet idi kayuh pad ngakem Negku, ayu-ayuneh Ui ini lun luk dat?

LUKAS 22:52 Iomraidhean Croise

RACA'-RACA' LUK KEDUEH 11:15

Yoyada nengecuk amung lun rayeh baweh, kebalaneh, “Nguit decur ineh amé' arang lun luk nginita, idi ngaté idé' luk maya' neneh.” Ngaceku kebala imam, “Na ieh miak pitayen bang Ruma' Allah.”

MATIUS 26:47

Uned Yésus pebala, idi Yudas nacing, ieh ineh sebuleng rat arang pulu' dueh anak sekola'Neh, dengan mula' tu-tu lemulun luk nengimet pelapet idi kayuh ieh ineh lemulun luk icuk imam-imam rayeh idi lun rayeh ratnan pupu Yahudi.

MATIUS 26:55

Idi Yésus nepebala kuan lun mula', “Muyuh remuat ayu-ayu sikal pebunu' dengan lun manoké, dengan pelapet idi kayuh pad ngakem Negku? Anid-anid aco Ui netudo mada' ago déi' bang Ruma' Allah, idi nateh muyuh nengakem Negku.

LUKAS 22:37

Ngaceku Ui pebala nemuyuh, anun-anun luk inayud ratnan bururKu na miak na uen ngacing teh, ieh ineh, ‘Idi Ieh pangeh iniap pad-pad dengan lemulun luk ngelaba ukum,’ ngaceku amung-amung luk petulu denganKu inan kekipedneh.”

LUKAS 22:4

Idi Yudas iné' matun imam-imam rayeh idi lun rayeh lun pebunu' idi nengitun kudeng apeh ieh miak maré Yésus kuandeh.

LUKAS 22:51

Iamo' Yésus nengor baladeh, “Miak ineh peh!” Idi Ieh nengakem lalidneh ineh idi nengedo' neneh.

LUKAS 22:53

Anid-anid aco Ui idi arang muyuh bang Ruma' Allah, idi nateh muyuh pian ngakem Negku, iamo' ini karebneh muyuh ngakem kareb lalud dacem ngimet.”

YAHYA 17:12

Laba' Ui tudo dengandeh, Ui ini nengimet nedeh bang ngadanMu luk biréMu Negku. Ui pangeh nematar nedeh, idi seburur pana' rat arangdeh na metutu', iamo' lemulun luk na miak na metutu', pad ngacing bala bang Surat Allah.

KEKAMEN RASUL-RASUL 5:26

Idi lun rayeh lun matar Ruma' Allah ineh dengan pulis iné' idi nenated nedeh, iamo' baken dengan metueh niat ngaceku ideh matot bitungin pupu ineh ku batu.