LUKAS 22:36 - BALA LUK DO'

³⁶ Idi kebalaNeh nedeh, “Iamo' nekini lemulun luk inan kapil do' ieh nguit neneh, idi luk inan tabpung kudeng ineh teh; iamo' lemulun luk na luk idi anun-anun, do' ieh masui kuyu'neh idi melih pelapet.

LUKAS 22:36 Iomraidhean Croise

MATIUS 10:10

idi luk inan balu' kareb nalan, idi dueh kuyu', kasut, idi rukud pana'. Ngaceku anid-anid lemulun luk ngakem petulu ngalap luk kenenneh.

LUKAS 22:35

Idi keburi' Yésus kuan anak-anak sekola' ineh, “Kareb Ui ngecuk nemuyuh remuat dengan na nguit kapil, tabpung, idi kasut, inanké muyuh masi'?” Idi keburi'deh, “Na.”

LUKAS 22:37

Ngaceku Ui pebala nemuyuh, anun-anun luk inayud ratnan bururKu na miak na uen ngacing teh, ieh ineh, ‘Idi Ieh pangeh iniap pad-pad dengan lemulun luk ngelaba ukum,’ ngaceku amung-amung luk petulu denganKu inan kekipedneh.”

LUKAS 22:38

Idi keburi'deh, “O Tuhan, siruh, tungé' inan dueh pelapet!” Idi kebala Yésus nedeh, “Petap gayam ini peh!”

YAHYA 15:20

Do' muyuh ngerawé bala luk bilaKu nemuyuh, ‘Seburur demulun na meluun rayeh ratnan tuanneh.’ Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak béndeh.

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

1 TESALONIKA 3:4

Ngaceku kareb kai idi dengan muyuh, kai nemada' nemuyuh atun ratnan kai uen ngedereh; idi muyuh kali' do'-do', ineh luk pangeh nangun.

1 PETRUS 4:1

Ngaceku Keristus pangeh nengalap dereh bang burur lemulun, do' muyuh pana' ngayung ku niat luk mepad kudeng ineh teh; ngaceku lemulun luk ngalap dereh bang burur ineh, pangeh ugka' ratnan nganau' sala'.