LUKAS 22:32 - BALA LUK DO'

³² Iamo' Ui pangeh nesembayang kuanmu, pad anumu na metutu'; idi kareb iko pangeh nuren, do' iko ngepicet kinanak-kinanakmu.”

LUKAS 22:32 Iomraidhean Croise

MATIUS 18:3

Kebala Yésus, “Ngerawé do'-do'! Kudeng muyuh na misu' niat, idi mangun mepad kudeng anak luk isuut ini, na tu muyuh miak semuet bang Imet surga.

MATIUS 26:75

Idi Pétrus nengerawé bala Yésus atun, keburi'Neh, “Kareb nateh lal ngekook, iko miak ngalum Negku teluh kua'.” Idi ieh neremuat idi nenangi' dengan singap-singap.

MARKUS 14:72

Idi lal pana' petacu nengekook sekedueh kua'. Idi Pétrus pana' nengerawé ratnan bala luk bila Yésus neneh, ieh ineh, “Kareb nateh lal ngekook dueh kua', Iko miak ngalum Negku teluh kua'.” Kareb ieh nengerawé ineh, idi ieh nangi'.

MARKUS 16:7

Nekini do' muyuh amé' idi maré kali' kuan anak-anak sekola'Neh idi kuan Pétrus pana', kebala muyuh: ‘Ieh nalan pa atun muyuh amé' Galilia, idi déi' muyuh miak nier Neneh mepad kudeng luk bilaNeh nemuyuh.’ ”

LUKAS 8:13

Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

YAHYA 14:19

Segageh teh uang tana' ini na miak nier Negku peh, iamo' muyuh ini miak nier Negku, ngaceku Ui ini mulun, idi muyuh pana' miak mulun teh.

KEKAMEN RASUL-RASUL 3:19

Ngaceku ineh do' muyuh uren idi lumi inan Allah pad Ieh ngiu' sala' muyuh,

SURAT LUK BIRE PAULUS KUAN LUN RUM 8:32

Ngaceku Allah na nengimet AnakNeh sebuleng, iamo' nemaré Neneh ku peruan tau amung-amung, kali' rungen dengan baré ineh Ieh sikal maré anun-anun pana' luk miak barénNeh kuan tau.

SURAT LUK BIRE PAULUS KUAN LUN RUM 8:34

Miakké idé-idé ngesala' nedeh? Keristus Yésus ineh pangeh naté idi muli' mulun teh, idi Ieh pa tinueh Allah. Ieh mutuh ratnan Allah kuan tau.

2 TIMOTIUS 2:18

Didueh pangeh neraruh ratnan luk matu, idi pebala tui tau ini pangeh nepelaba, pad anu lemulun uen ngelaya'.

TITUS 1:1

Rat ni Paulus, demulun Allah idi rasul Yésus Keristus. Ui pangeh pinili' Allah, idi icuk ngepicet anu pupu Allah luk pinili' idi nguyut nedeh macing inan luk matu, maya' kudeng luk bida' ratnan baya' tau,

IBERANI 12:15

Matar do'-do' pad seburur pana' na teketed ratnan katu Allah. Matar do'-do', pad aceh “uat luk mepét” na mulun idi nganau' susa' kuan muyuh pad amung-amung lemulun uenneh ngelutak.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

1 PETRUS 1:1

Rat ni Pétrus, rasul Yésus Keristus — Kuan amung-amung lemulun luk pinili', ieh ineh lun sakai luk nepatad déi' Pontus, Galatia, Kapadokia, Asia, idi Bitinia.

1 PETRUS 1:13

Ngaceku ineh do' terawé muyuh metadem, idi do' muyuh ngerawé, idi merapet tu-tu inan peruan luk miak macing kuan muyuh kareb Yésus Keristus uen ngegala'.

1 PETRUS 1:5

Peruan ineh isa' dengan lalud Allah ngaceku anu, pad muyuh miak ngalap ulun luk inau' temina' idi luk miak uen ngegala' bang aco kekiped.

2 PETRUS 3:14

Ngaceku ineh, O luk inanku mawa, laba' muyuh nganét amung-amung luk kudeng ini, do' muyuh mekél pad muyuh miak lapen dengan awang, dengan na melutak idi na mesala' pa kiung Tuhan.

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.