LUKAS 22:26 - BALA LUK DO'

²⁶ Iamo' aleg muyuh ini kudeng ineh. Luk meluun rayeh arang muyuh, do' ieh mangun kudeng luk meluun mangud, idi luk ngimet, do' ieh mangun kudeng lemulun luk ngasa'.

LUKAS 22:26 Iomraidhean Croise

MATIUS 20:26

Iamo' na ieh miak kudeng ineh arang muyuh, iamo' idé'-idé luk sikal mangun rayeh rat arang muyuh, ieh ineh luk miak mangun ku lun ngasa' nemuyuh;

MARKUS 10:43

Iamo' muyuh ini baken kudeng ineh. Kudeng idé luk sikal mangun rayeh rat arang muyuh, do' ieh mangun ku lun ngasa' nemuyuh.

MARKUS 9:35

Idi Yésus netudo idi nenawar pulu' dueh anak sekola' ineh, kebalaNeh, “Idé-idé luk sikal amé' pa atun, do' ieh amé' pa muci lun baken, idi mangun ku lun ngasa' amung-amung lemulun.”

LUKAS 9:48

kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

SURAT LUK BIRE PAULUS KUAN LUN RUM 12:2

Idi aleg muyuh maya' ayu lemulun bang tana' ini, iamo' ngisu' ayu muyuh dengan petuneb niat muyuh, pad muyuh miak kali' anun luk pian Allah, ieh ineh luk do' idi luk petulu idi luk meligan.

1 PETRUS 5:3

Aleg muyuh mepad kudeng lun ngimet ukum kuan lemulun luk biré nemuyuh, iamo' do' muyuh mangun ku luk pinginud kuan sengeriudan dumba ineh.

1 PETRUS 5:5

Kudeng ineh teh, O muyuh lun luk anak adi', do' muyuh mebeneh ratnan lun rayeh-rayeh ineh. Idi do' amung-amung muyuh dengan niat luk mebeneh ngedengan seburur dengan luk baken, ngaceku “Allah sikal metueh ratnan lemulun luk medita' niat, iamo' Ieh maré katuNeh kuan lemulun luk mebeneh niat.”