LUKAS 22:20 - BALA LUK DO'

²⁰ Idi kudeng ineh teh, pangeh ideh nekuman, Ieh nemaré sangkir ineh nedeh, keburi'Neh, “Sangkir ini, ieh ineh pejani' Allah luk mebaruh bang dara'Ku, luk pangeh inutang ngaceku muyuh.

LUKAS 22:20 Iomraidhean Croise

PURA' 24:8

Pangeh ineh Musa nengalap dara' ineh, idi ieh nengisak ineh luun pupu ineh, idi nepebala, “Ini dara' pejani' luk litep Tuhan kuan muyuh kareb Ieh nemaré amung ukum ini.”

YEREMIA 31:31

Kebala Tuhan, “Tarekneh malé macing kareb Ui miak nganau' aceh pejani' luk mebaruh dengan pupu Israil idi Yahuda.

SEKARIA 9:11

Kebala Tuhan, “Ngaceku jani'Ku namu, luk itu ku dara' baré, Ui miak muit pupumu luk tiban ineh rat bang lubang luk na abpa'.

MATIUS 26:28

ngaceku ini dara'Ku, ieh ineh dara' pejani' Allah luk inutang kuan lun mula' mangun ku aceh dalan ngalap do' ratnan sala'.

MARKUS 14:24

Idi kebala Yésus, “Ini dara'Ku, ieh ineh dara' pejani' Allah luk inutang kuan lun mula'.

1 KORINTUS 11:25

Kudeng ineh teh kareb pangeh nekuman, idi Ieh nengalap sangkir, kebalaNeh, “Sangkir ini, ieh ineh pejani' Allah luk mebaruh luk itu ku dara'Ku. Anid-anid kareb muyuh ngirup, nganau' kudeng ineh mangun ku aceh terawé ratnan Ui.”

2 KORINTUS 3:6

Ieh luk pangeh nenganau' nekai mileh mangun ku lun luk mada' pejani' luk mebaruh, baken maya' urup mo', iamo' maya' Roh. Ngaceku urup ineh ngaté, iamo' Roh ineh ngulun.

IBERANI 12:24

Muyuh pangeh nacing inan Yésus, Gatum Pejani' luk Mebaruh ineh, idi kuan dara' luk inisak, luk pebala-pebala luk meluun do' ratnan dara' Abil.

IBERANI 13:20

Allah pangeh nenui Tuhan tau Yésus Keristus ratnan até. Ngaceku dara'Neh, nekini Ieh mangun ku Lun Matar Dumba luk Rayeh. Idi dengan dara'Neh ineh pejani' luk meruked ineh pangeh itu.

IBERANI 9:15

Ini punneh Keristus mangun ku Gatum sebuleng pejani' luk mebaruh, pad lemulun luk tinawar Allah ineh miak ngalap babpat luk meruked, luk pangeh pijani' Allah kuandeh ineh. Ini miak mangun ngaceku inan aceh até luk muit lemulun ratnan sala' luk inau'deh kareb ideh pa liang pejani' luk mon ineh.

IBERANI 9:17

Ngaceku surat periteteng inan lalud kareb lemulun maté, ngaceku kareb lemulun luk periteteng ineh mulun, idi tetengneh ineh na luk idi lalud.