LUKAS 22:17 - BALA LUK DO'

¹⁷ Idi Ieh nengalap aceh sangkir, idi kareb Ieh pangeh nemaré ubur, Ieh nepebala, “Lapen muyuh ini, idi nganid arang muyuh sebuleng.

LUKAS 22:17 Iomraidhean Croise

NANI UBUR 116:13

Ui nguit aceh baré luk rupen kuan Tuhan, idi ngubur Neneh ngaceku Ieh nengulun negku.

NANI UBUR 23:5

Iko temina' irau kuanku, su luk inan maung bunu'ku miak kali' negku; Iko ngumau uluhku idi manu' sangkirku pad macing lubpi.

YEREMIA 16:7

Idi seburur pana' na miak kuman idi ngirup dengan lun kareb lemulun luk inanneh mawa maté. Idi seburur pana' nateh luk méi', sagan tu pana' tamanneh idi tinanneh maté.

MATIUS 14:19

Idi Ieh nengecuk lun mula' ineh tudo luun uduh; idi Ieh nengalap ruti luk limeh balad, idi dueh lawid ineh, idi Ieh netengook déi' langit, idi nesembayang. Idi Ieh nemuri'-muri' ruti ineh, idi nemaré ineh kuan anak-anak sekola'Neh, idi ideh nenganid ineh kuan lun mula'.

MATIUS 15:36

Idi Ieh nengalap ruti luk tudu' balad idi lawid ineh, idi Ieh nemaré ubur kuan Allah idi nemuri'-muri' neneh, idi nemaré kuan anak-anak sekola' ineh, idi ideh nenganid kuan lun mula' ineh.

MATIUS 26:26

Laba' ideh kuman, Yésus nengalap ruti idi nesembayang, idi nemuri' neneh, idi Ieh nemaré kuan anak-anak sekola'Neh, kebalaNeh, “Ngalap idi kuman' ini bururKu.”

MARKUS 14:22

Idi uned ideh kuman, Yésus nengalap ruti idi Ieh nesembayang maré ubur, idi nemuri'-muri' ruti ineh, idi nemaré ineh kuan anak sekola'Neh, kebalaNeh, “Lapen muyuh ini idi kuman, ini bururKu.”

LUKAS 22:19

Idi Yésus nengalap ruti, idi nemaré ubur, idi nemuri' neneh, idi nemaré neneh kuandeh, keburi'Neh, “Ini bururKu luk biré ngaceku muyuh; nganau' kudeng ini mangun ku sebuleng terawé rat Negku.”

LUKAS 9:16

Yésus nengalap ruti luk limeh balad, idi lawid luk dueh ineh, idi Ieh netengook déi' langit nesembayang. Pangeh ineh Ieh nemuri' ruti idi lawid ineh, idi nemaré kuan anak-anak sekola'Neh. Idi ideh nenganid ineh kuan lun mula'.

SURAT LUK BIRE PAULUS KUAN LUN RUM 14:6

Lemulun luk ngerawé aco sineh, nima' neneh ngimet ineh ngaceku Tuhan, idi lemulun luk kuman ineh, nima' neneh kuman ngaceku Tuhan, ngaceku ieh maré ubur kuan Allah; idi lemulun luk na sikal kuman ineh, nima' neneh na kuman ngaceku Tuhan, idi maré ubur kuan Allah teh.

1 KORINTUS 10:16

Tau maré ubur kuan Allah ngaceku sangkir peruan ineh. Idi kareb tau ngirup ratnan sangkir ineh, naké tau ngalap babpat bang dara' Keristus? Idi kareb tau kuman ruti luk pinuri' tau ineh, naké tau ngalap babpat bang burur Keristus?

1 KORINTUS 11:23

Ngaceku ui nengalap ratnan Tuhan bada' luk biréku nemuyuh: ieh ineh kareb malem luk inan Tuhan Yésus pinasui, idi Ieh nengalap ruti,

BADA' RATNAN UKUM 8:10

Muyuh miak kuman pad macing mebor, pelé muyuh ngubur Tuhan Allah muyuh ngaceku tana' luk do' luk pangeh biréNeh kuan muyuh.

SEMUIL LUK PUN-PUN 9:13

Kareb medueh semuet bang bawang ineh miak medueh papu' neneh, kareb nateh ieh umak amé' luun surud sikal kuman. Lun mula' na kuman atun, kareb nateh ieh macing. Ngaceku ieh luk ngeperuan baré ineh. Pangeh ineh idi amung lun luk tinawar kuman. Do' medueh umak nekini. Ngaceku kali' rungen medueh papu' neneh.”